ԵՐԵՎԱՆ, 12 դեկտեմբերի — Sputnik. Հայտնի երգիծաբան, 74-ամյա Եվգենի Պետրոսյանն արձագանքել է ԶԼՄ-ների` իր ու իր 30-ամյա օգնական Տատյանա Բրուխունովայի ամուսնության մասին հրապարակումներին:
Նշենք, որ դեկտեմբերի 9-ին հայտնի էր դարձել, որ Պետրոսյանն ամուսնացել է իր երիտասարդ սիրուհու հետ։ Սա դերասանի 5-րդ ամուսնությունն է։ Սակայն Պետրոսյանն ու Բրուխունովան ոչ մի կերպ չէին մեկնաբանում այդ տեղեկությունը։
«Մինչ ԶԼՄ-ները ծաղրում և մինչև վերջ մերկացնում էին իմ անձնական կյանքը, ինչը, իմ կարծիքով, խայտառակություն է, սխալ վարքագիծ, վիրավորանք ու զրպարտություն, ես մասնակցում էի իսկական թատերական տոնի», - գրել է արտիստը Instagram-ի իր էջում և փաստաբան Սերգեյ Ժորինի հետ լուսանկար է հրապարակել, որն արվել է Օլեգ Տաբակովի անվան Մոսկվայի թատրոնի դահլիճում:
Նրանք ներկա են եղել ռեժիսոր Սերգեյ Ղազարովի բեմադրած «Ռևիզոր» ներկայացմանը։
Հիշեցնենք, որ 2018 թվականի նոյեմբերի 16-ին դատարանը պաշտոնապես ամուսնալուծեց հայտնի ռուս արտիստներ Եվգենի Պետրոսյանին և Ելենա Ստեպանենկոյին: Սակայն ամեն ինչ դեռ ավարտված չէ, քանի որ նրանք շարունակում են դատարանի միջոցով կիսել ունեցվածքը։
Եթե դա ճիշտ է. Ստեպանենկոն խոսել է Պետրոսյանի և նրա երիտասարդ սիրուհու ամուսնության մասին
ԶԼՄ-ները գրում էին, որ ամուսինները բաժանվել են Պետրոսյանի և նրա օգնականի սիրավեպի պատճառով։ Ինքը` Բրուխունովան, պնդում էր, որ Պետրոսյանի և Ստեպանենկոյի հարաբերությունները խզվել են շատ ավելի առաջ, քան ինքը հայտնվել է արտիստի կյանքում։ Պետրոսյանն ու Ստեպանենկոն միասին ապրել են 32 տարի։
