ԵՐԵՎԱՆ, 10 դեկտեմբերի — Sputnik. ԱԺ պատգամավոր Կարեն Սարուխանյանի ընկերոջ հասցեին սպառնալիքներ հնչեցնելու և պատգամավորին հարվածելու համար Գյումրիի բնակիչ 23-ամյա երիտասարդը դեկտեմբերի 10-ին կամավոր ներկայացել է ոստիկանության Մուշի բաժին։ Այս մասին հայտնում է ՀՀ ոստիկանության մամուլի ծառայությունը։
ՀՀ ԱԺ պատգամավոր Կարեն Սարուխանյանը դեկտեմբերի 9-ին Facebook-ի իր էջում գրել էր, որ Գյումրիում երկու հոգի խփել են ընկերոջը և սպառնացել, որ հաջորդը ինքն է լինելու։ Կատարվածի վերաբերյալ ոստիկանությունը հաղորդում էր ստացել, պարզվել էր միջադեպի մասնակից անձանց ինքնությունը։
«Շեկո» մականունով 30-ամյա տղամարդը` Գարիկ Ուզունյանը, որը Գյումրու բնակիչ է, հայտնաբերվել և ժամը 22-ի սահմաններում բերման էր ենթարկվել։ Մինչ այդ Սարուխանյանը գրառում էր արել և քննադատել Ռոբերտ Քոչարյանի կողմնակիցներին` ծաղկեպսակ դնելու համար, ապա ծավալված իրադարձությունները կապել իր գրառման հետ։
«Տարված բացատրական աշխատանքի արդյունքում 23-ամյա երիտասարդը ներկայացել է ոստիկանություն։ Դեպքի առթիվ քրեական գործ է հարուցվել խուլիգանության հատկանիշներով և բերման ենթարկված «Շեկո» մականունով անձը ձերբակալվել է»,–հայտնում են ոստիկանությունից։
Խաչատուր Սուքիասյանն անձնական շահից ելնելով չի քննադատում ներկա իշխանությանը. «168 ժամ»
Հանգամանքները քննությամբ պարզվում են։
Հիշեցնենք, որ Գարիկ Ուզունյանի համակիր, իրավապաշտպան Կարապետ Պողոսյանը բացառել է խուլիգանության ու հարվածելու վարկածը: Պաշտպանի խոսքով` Գարիկին որոնելու ու բերման ենթարկելու մասին ներկայացվածը «թատերական շոու էր»:
