Ադրբեջանի խորհրդարանի լուծարումը է այն գործընթացի հիմնական քայլերից մեկն է, որի արդյունքում Ադրբեջանի նախագահի պաշտոնը պետք է անցնի գործող ղեկավարի տիկնոջը՝ Մեհրիբան Ալիևային: Այս մասին Sputnik Արմենիայի հետ զրույցում ասաց ԱԺ «Իմ քայլը» խմբակցության պատգամավոր, պատմական գիտությունների թեկնածու Տաթևիկ Հայրապետյանը։
Նրա կարծիքով՝ ադրբեջանցիներն իրենց խորհրդարանը ցրեցին առանց որևէ իրավական հիմքի:
Պատգամավորի տեղեկացմամբ՝ Փաշաևների կլանի ու նախիջևանյան կլանի միջև Ադրբեջանում թեժ պայքար է գնում: Նախիջևանյան կլանի ներկայացուցիչները Հեյդար Ալիևին սատարողներն են, որոնք նրան 1993թ.-ին օգնեցին գալ իշխանության, իսկ հետագայում նաև նպաստեցին, որպեսզի Ալիևը հաջորդի իր հորը: Փաշաևների կլանը ներկայացնում են Մեհրիբան Ալիևայի ընտանիքի անդամներն ու մերձավորները,որոնք համեմատաբար նոր են քաղաքական ասպարեզում:
«Չնայած արտաքին շղարշին՝ Ալիևան չի համապատասխանում նախագահի պաշտոնին: Ներքին քաղաքականության ասպարեզում նա անվտանգության առումով կանգնած է լուրջ մարտահրավերների առաջ»,- նշեց ԱԺ պատգամավորը:
Հայրապետյան. «Ադրբեջանցիներն իրենց խորհրդարանը ցրեցին առանց որևէ իրավական հիմքի»
Հայրապետյանի դիտարկմամբ՝ Ադրբեջանը մահմեդական երկիր է, կանանց առնչվող ընդգծված կարծրատիպերով և փակ հասարակությամբ, հետևաբար հետաքրքիր է՝ կընտրե՞ն նրան ուժային կառույցներն ու բանակը, կլինի՞ արդյոք Ալիևան նրանց գերագույն գլխավոր հրամանատարը: Մյուս կողմից ղարաբաղյան խնդրում էսկալացիայի գնալը նրա համար կլինի բավական ռիսկային, որովհետև 1990-ական թվականների փորձը ցույց է տալիս, որ առաջին իսկ ձախողումը կարող է կլանի համար ճակատագրական հետևանքներ ունենալ:
Հիշեցնենք, որ դեկտեմբերի 2-ին Ադրբեջանի խորհրդարանը (Միլի Մեջլիսը) հատուկ նիստի ժամանակ հայտարարեց ինքնալուծարման մասին։ Իշխող կուսակցությունն այն նախաձեռնել է նախագահ Ալիևի բարեփոխումներին աջակցելու համար։
Արտահերթ խորհրդարանական ընտրությունների մասին որոշումը կայացնելու է նախագահը։
«Պետք է սթափ գնահատենք TRACECA–ի անցած ճանապարհը». Սիմոնյանը ելույթ է ունեցել Բաքվում
Ադրբեջանի խորհրդարանում 125 պատգամավոր կա, պատգամավորական մանդատների մեծ մասը պատկանում է իշխող կուսակցության ներկայացուցիչներին։
Հերթական խորհրդարանական ընտրություններն Ադրբեջանում պետք է տեղի ունենային 2020 թվականի նոյեմբերին։
