ԵՐԵՎԱՆ, 6 դեկտեմբերի — Sputnik. Վերջին երկու տարիներին ՀՀ զինված ուժերն ինտենսիվորեն հավելում են զինանոցը: Այս մասին այսօր հրավիրված մամուլի ասուլիսում ասաց Պաշտպանության փոխնախարար Գաբրիել Բալայանը ՝ պատասխանելով Sputnik Արմենիայի հարցին:
Ավելի վաղ, 2020 թվականի պետական բյուջեի նախագծի քննարկման ժամանակ ՀՀ վարչապետ Նիկոլ Փաշինյանն ասել էր, որ 2018 թվականից ի վեր Հայաստանը ձեռք է բերել աննախադեպ քանակությամբ սպառազինություն, շատ ավելի շատ, քան նախորդ տարիներին, և ՀՀ կառավարությունը մտադիր է շարունակել իր` տարածաշրջանում ռազմական հավասարակշռության վերականգնման քաղաքականությունը:
Մեկնաբանելով այս հայտարարությունը ՝ Բալայանը նշեց, որ Հայաստանը գնել և գնում է նոր ու ժամանակակից սպառազինություն ՝ միաժամանակ բարելավելով եղածը:
«Ցավոք, ես չեմ կարող բացահայտել, թե խոսքն ինչ զինատեսակների մասին է: Դա ռազմական գաղտնիք է։ Բացառությամբ այն զինատեսակների, որոնց գնման մասին արդեն ասվել է, այսինքն` ինքնաթիռների (Ռուսաստանից գնված Су-30СМ կործանիչները - խմբ.)», - ասաց Բալայանը:
Ինչ վերաբերում է կործանիչներին, ապա դրանք Հայաստանում կլինեն հաջորդ տարվա հունվար-փետրվար ամիսներին:
«Նախաձեռնությունը Հայաստանի համար չէ». Բալայանը` պատգամավորի աղմկահարույց առաջարկի մասին
