ԵՐԵՎԱՆ, 6 Դեկտեմբեր — Sputnik. «Իմ քայլը» դաշինքի պատգամավոր Հայկ Սարգսյանի` զորակոչի վերաբերյալ նախաձեռնությունը համահունչ չէ հայկական իրողությանը։ Այսօր հրավիրված ասուլիսի ժամանակ այս մասին ասաց պաշտպանության փոխնախարար Գաբրիել Բալայանը։
Նրա խոսքով` պաշտպանության նախարարությունն իր իրավասությունների սահմաներում միջազգաին փորձն ամեն օր է ուսումնասիրում և չի կարծում, թե պատգամավորի ասած փորձը կիրառելի է Հայաստանում։ Այստեղի պայմանները յուրահատուկ են, չի կարելի պարզապես վերցնել ու կուրորեն կրկնօրինակել արտասահմանյան փորձը։
Հայաստանը վերականգնելու է տարածաշրջանում ռազմական հավասարակշռությունը. Փաշինյան
«Մեզ համար նման դիրքորոշումը սկզբունքայնորեն անընդունելի է։ Բանն այն է, որ զորակոչից հետո զինվորի համար առնվազն 5 ամիսը ուսումնական փուլ է, որից հետո միայն նա անցնում է լիարժեք զինվորական ծառայության», – ասաց Բալայանը։
Բալայանի խոսքով` անհնար է մեկ ամսվա ընթացքում լիարժեք զինվոր պատրաստել։
Նա հիշեցրեց, որ Սահմանադրության 14–րդ հոդվածի համաձայն` յուրաքանչյուր քաղաքացի պարտավոր է օրենքով սահմանված կարգով մասնակցել Հայաստանի Հանրապետության պաշտպանությանը։
«Դա քաղաքացիների սահմանադրական պարտքն է, ու մենք չենք կարող այն վաճառքի հանել», – ասաց նա։
Եթե կոնֆլիկտ ունենային, նույն դիրքում չէին հերթապահի. Բալայանը` սահմռկեցուցիչ դեպքի մասին
Նշենք, որ ԱԺ «Իմ քայլը» դաշինքի պատգամավոր Հայկ Սարգսյանը օրերս հանդես է եկել օրենսդրական նախաձեռնությամբ, որով առաջարկում է լրացում կատարել Զինվորական ծառայության և զինծառայողի կարգավիճակի մասին ՀՀ օրենքում։
Ըստ նախագծի՝ մինչև 27 տարեկան զինապարտ ՀՀ քաղաքացիներին հնարավորություն կտրվի ՀՀ պետական բյուջե վճարել 10.000.000 ՀՀ դրամ և ծառայել ընդամենը մեկ ամիս` արագացված ընթացակարգով:
Եթե այդ մեկ ամսվա ընթացքում զինվորը ցանկություն հայտնի շարունակել ծառայությունը զինված ուժերում, կարող է հետ ստանալ գումարը և ծառայել և 23 ամիս:
