Հարցումը ցույց տվեց, որ բոլորն անխտիր դեմ են շներին վնասելուն, մարդիկ առաջարկում են հատուկ տեղ հատկացնել կենդանիների համար։
«Հատուկ ծառայություններ պետք է լինեն, որ որդեգրեն շներին, ո՛չ կրակեն, ո՛չ էլ վերացնեն, որովհետև Աստծու ստեղծած կենդանի է»,– ասաց քաղաքացիներից մեկը։ Մեկ ուրիշն էլ նշեց, որ շատ լավ է վերաբերվում թափառող շներին և նույնիսկ կերակրում է այն կերով, որն իր շանն է տալիս։ «
Եթե ցանկացած շուն վտանգ ներկայացրեց, ուրեմն մարդու մեղքն է»,- ասաց նա։
Հիշեցնենք, որ հոկտեմբերի վերջին թափառող շները հարձակվել ու հոշոտել էին այգու երեք կենգուրուներին։ Կենդանիների վրա հարձակում գործած շները, ըստ այգու ղեկավարության, տարածքում թափառող շներն են։
Նոյեմբերի 1-ին էլ հայտնի դարձավ, որ շների ոհմակը նաև 3 մուֆլոն է հոշոտել։
ՀՀ արտակարգ իրավիճակների նախարարության մամուլի ծառայությունը երեկ հայտնեց, որ Մասիսում թափառող շները 25 ջայլամ են հոշոտել։
