ԵՐԵՎԱՆ, 5 դեկտեմբերի — Sputnik. Մարկոս Պիզելին իր կարիերան շարունակելու է Հայաստանի բարձրագույն խմբի առաջնությունում: Sputnik Արմենիայի տեղեկություններով` հայկական առաջատար երկու ակումբները հետաքրքրված են ֆուտբոլիստի ծառայություններով։
Մեր տեղեկություններով` չի բացառվում, որ Պիզելին հանդես գա «Արարատ-Արմենիայի» կազմում:
Պիզելիի` Ղազախստանի բարձրագույն խմբում «Ակտոբեից» հեռանալը Հայաստանի ազգային հավաքականում ընդունվեց որպես «վատ» լուր: Պիզելին նոյեմբերի 12-ին հայտարարեց, որ ավարտում է իր ելույթներն ազգային հավաքականում:
Իհարկե, 35-ամյա ֆուտբոլիստն աստիճանաբար մտածում է նաև կարիերայի ավարտի մասին: Սակայն, նա մեկ ամիս առաջ հայտարարել էր, որ իր ֆուտբոլային կարիերայի ընթացքը պարզ կլինի մոտ ապագայում:
Հայաստանի հավաքականի նոր մարզիչը կողմնորոշվեց ֆուտբոլիստների հարցում. Յուրան վերադառնում է
Այն, որ այս տարիքում էլ բրազիլացին կարող է մեծ օգուտ բերել մեր ֆուտբոլին, կասկածից վեր է: Նրա փորձն ու վարպետությունը միշտ էլ նպաստավոր դերակատարում են ունեցել այն թիմերում, որոնցում նա հանդես է եկել:
Վարդան Մինասյանը հավաքական է հրավիրել 24 ֆուտբոլիստի. ովքե՞ր են նրանք
Հայաստանի ազգային հավաքականի կազմում Պիզելին անցկացրել է 66 խաղ ու դարձել 11 գոլի հեղինակ: Իսկ հայկական վերջին ակումբը, որի կազմում հանդես է եկել Պիզելին, եղել է «Փյունիկը», որտեղից էլ 2011 թվականին տեղափոխվեց Դոնեցկի «Մետալուրգ»: