ԵՐԵՎԱՆ, 4 դեկտեմբերի — Sputnik. Հայ գործարարները դասընթացների կմասնակցեն ԱՄՆ–ի Սիլիկոնյան հովտում։ Այդ մասին հայտարարեց Հայաստանի բարձր տեխնոլոգիական արդյունաբերության նախարար Հակոբ Արշակյանը Երևանում Silicon Mountains ՏՏ համաժողովի ընթացքում։
Դրեյպերի համալսարան կուղարկվեն հայկական սկսնակ տեխնոլոգիական ձեռնարկությունների 15 ղեկավար։
Կալիֆոռնիայում գտնվող Դրեյպեր համալսարանն առաջարկում է աշխարհի ամենահայտնի ուսումնական ծրագրերից մեկը։ Նախարարի խոսքով` այդ ծրագրից կօգտվեն հայ գործարարները, որոնք կարող են ընդլայնել իրենց նախագծերը և վերածվել խոշոր, հաջողակ ընկերությունների։
«Բարձր տեխնոլոգիական բիզնեսի զարգացումը մեր երկրի գերակայություններից մեկն է։ Նման ծրագրեր կլինեն բիզնեսի, մեր համալսարանների և նույնիսկ դպրոցների համար, որպեսզի մեր երկիրը զարգացնելու մասնագետներ պատրաստվեն», – հավելեց նախարարը։
Silicon Moutains համաժողովին ժամանել են Microsoft–ի, Cisco–ի և մի շարք այլ խոշոր տեխնոլոգիական ընկերությունների ներկայացուցիչները։
Հայաստանի սահմանած Global IT Award մրցանակն այս տարի կստանա ճապոնացի գիտնականը
