Ուժային կառույց ղեկավարող քաղաքական գործիչը, միևնույն է, գործելու է իշխող քաղաքական ուժի օգտին: Sputnik Արմենիայի հետ զրույցում այս մասին ասաց քաղաքագետ Մանվել Սարգսյանը։
«Հայաստանում չկա քաղաքական օրակարգ». Աշոտյան
Նա նշեց, որ Հայաստանում սկսել են հասկանալ, որ նման բան անել պետք չէ: Բացի դրանից, մարդիկ տեսել են, թե ինչպես էր գործում ոստիկանությունը 1990-ական թվականներին, երբ քաղաքական դեմքն իրեն դարձրել էր սուպերնախարար:
«Իմ քայլը» մերժեց «Լուսավոր Հայաստանի» նախագիծը. ԱԱԾ–ում ոչինչ չի փոխվի
Անդրադառնալով շրջանառվող այն տեսակետին, ըստ որի՝ ոստիկանությունն ու ԱԱԾ-ն պետք է դուրս բերվեն վարչապետի վերահսկողությունից ու հաշվետու լինեն Ազգային ժողովին, Մանվել Սարգսյանը նշում է, որ խորհրդարանական երկրում նման պահանջի առաջադրումը լիովին բնական է:
«Ֆունդամենտալ հարցերից մեկը հենց դա է, և պետք է հարցին լուծում տալ՝ ելնելով ներկա իրողություններից: Դա առնչվում էր սուպերվարչապետական ինստիտուտին: Հիմա խնդրին պետք է նայել կոնկրետ իրավիճակում և ուղղել անցյալում կայացված որոշումները: Այստեղ, անշուշտ, պետք է ուսումնասիրել նաև արտասահմանյան երկրների փորձը»,- նշում է Սարգսյանը:
Քաղաքագետի համոզմամբ՝ ուժային կառույցների ղեկավարները պետք է լինեն ոլորտի մասնագետներ և զբաղվեն բացառապես իրենց ոլորտին առնչվող խնդիրներով: Ընդ որում՝ սա ոչ թե քաղաքական անձի, այլ սկզբունքի հարց է:
