ԵՐԵՎԱՆ, 3 դեկտեմբերի — Sputnik. Փորձառու վարպետը կոնյակի պահման և հնեցման համար մեկ օրում էլ կարող է տակառ պատրաստել, սակայն, մինչև տակառը տակառ դառնա, փայտը երկար ճանապարհ պետք է անցնի։ Տակառագործ Արման
Ղարիբյանը Sputnik Արմենիայի հետ զրույցում նշեց, որ տակառ պատրաստելու համար նախ համբերատար պետք է լինել։
«Պատրաստի տակառ ունենալն այդքան էլ հեշտ չէ. ինչպես կոնյակի հնեցումը, տակառ պատրաստելը նույնպես համբերատարություն է պահանջում։ Միայն տակառափայտը երկու տարի բացօթյա պահեստում է պահվում, որպեսզի չորանա»,–ասաց նա։
Արարատյան երկրի խորհրդանիշները, կամ ինչպես ճանաչել Հայաստանը
Տակառագործը պատմեց` չորացված փայտն արդեն պետք է հաստոցային մշակման ենթարկվի, մետաղական կարկասի վրա հավաքվի, ծռվի, եզրահատվի, հղկվի... Կոնյակի պահման ու հնեցման տակառները պատրաստվում են միայն կաղնու փայտից։
Հայաստանը գինեգործության հեղափոխության շեմին է. Հարությունյան
Ղարիբյանն առաջին տակառը պատրաստել է 2002թ–ին ու հիմա արդեն չի էլ հիշում` քանի սերունդ կոնյակ է իր պատրաստած տակառներում հնեցվել։ Նա, ի դեպ, Երևանի կոնյակի գործարանի տակառագործության ղեկավարն է։
