ԵՐԵՎԱՆ, 2 դեկտեմբերի – Sputnik. Ադրբեջանի խորհրդարանը (Միլի Մեջլիսը) այսօր` դեկտեմբերի 2-ին հատուկ նիստի ժամանակ հայտարարել է ինքնալուծարման մասին։ Իշխող կուսակցությունն այն նախաձեռնել է նախագահ Իլհամ Ալիևի բարեփոխումներին աջակցելու համար։ Այս մասին հայտնում են ադրբեջանական լրատվամիջոցները։
Ղարաբաղյան հակամարտությունը ՌԴ–ի ուշադրության կենտրոնում է. Լավրովը Բաքու է մեկնում
Միլի Մեջլիսի խոսնակ Օքթայ Ասադովի գլխավորած հատուկ նիստը կայացել է այսօր։
«Նիստի օրակարգում մեկ հարց է։ Դա «Ենի Ազերբայջան» կուսակցության պատգամավորների դիմումն է ուղղված Ադրբեջանի նախագահ Իլհամ Ալիևին Միլի Մեջլիսի լուծարման մասին», – ավելի վաղ հայտնել էր Օքթայ Ասադովը։
Նոյեմբերի 28–ին, «Ենի Ազերբայջան» կուսակցության քաղխորհրդի նիստում մեկնարկեց Ադրբեջանի խորհրդարանի լուծարման ու արտահերթ ընտրությունների անցկացման գործընթացը։
Արտահերթ խորհրդարանական ընտրությունների մասին որոշումը կայացնելու է նախագահը։
Ադրբեջանի խորհրդարանում 125 պատգամավոր կա, պատգամավորական մանդատների մեծ մասն իշխող կուսակցության ներկայացուցիչներին է պատկանում։
Մնացականյան–Մամեդյարով հանդիպման օրը հայտնի է. ԱԳՆ
Հերթական խորհրդարանական ընտրություններն Ադրբեջանում պետք է տեղի ունենային 2020 թվականի նոյեմբերին։
