ԵՐԵՎԱՆ, 1 դեկտեմբերի – Sputnik. Ստեփանծմինդա-Լարս ավտոճանապարհը կցորդիչով բեռնատարների համար փակ է, մյուսների համար՝ բաց: Այս մասին հայտնում է Վրաստանի տարածաշրջանային զարգացման և ենթակառուցվածքների նախարարության ավտոճանապարհային դեպարտամենտի մամուլի ծառայությունը։
ՀՀ արտակարգ իրավիճակների նախարարությունից էլ հայտնում են, որ ժամը 15։00-ի դրությամբ ՀՀ տարածքում կան դժվարանցանելի ավտոճանապարհներ։
Վարորդներին խորհուրդ է տրվում երթևեկել բացառապես ձմեռային անվադողերով։
Վարդենյաց լեռնանցքը կցորդիչով բեռնատարների համար փակ է, մյուսների համար՝ դժվարանցանելի:
Սոթք-Քարվաճառ ավտոճանապարհը նույնպես դժվարանցանելի է:
Վանաձոր-Ալավերդի-Բագրատաշեն ավտոճանապարհին շինարարական աշխատանքները շարունակվում են, ինչի հետևանքով ճանապարհահատվածը բեռնատարների համար փակ է. որպես այլընտրանքային ճանապարհ սահմանվել է Դիլիջան-Նոյեմբերյան-Բագրատաշեն ավտոճանապարհը։
