ԵՐԵՎԱՆ, 29 նոյեմբերի – Sputnik. Դերասանուհի Անժելա Սարգսյանը facebook-ի իր էջում գրառում է կատարել և անդրադարձել դերասանուհի, հաղորդավարուհի Գայանե Ասլամազյանի ամուսնալուծությանը և դրա արձագանքներին։ Դերասանուհուն նյարդայնացրել է, որ մարդիկ իրեն տարբեր հաղորդագրություններ են գրում, հիշեցնելով, որ Ասլամազյանն իր համար դժվարին օրերին չսատարեց իրեն, ավելին`առաջին մեղադրողներից էր:
«Հերիք ա, հերիք ա ինձ ուղարկեք նմանատիպ «սքրինշոթեր» և տեքստեր, որ ուրախ եք։ Ես չեմ ապրում անցյալով և ներել եմ բոլորին, ովքեր ցավեցրել են ինձ։ Մարդիկ, մի կաթիլ Աստծո վախ ունեցեք, երբ դատում եք ուրիշին։ Ոչ մեկս մաքուր չենք և ապահովագրված չենք այս կյանքում։ Իսկ Գայանեի համար շատ ցավում եմ և աղոթում, որ Աստված օրհնի իրեն, այս երկրում անչափ դժվար է միայնակ կնոջ համար 0–ից կյանքը սկսելը։ Թող Աստված ողորմի բոլորիս…»,-գրել է Անժելան։
«Ամուսնալուծվել եմ, ամուսինս կալանավայրում է». Գայանե Ասլամազյանն անկեղծացել է. տեսանյութ
Գրառման հետ մեկտեղ դերասանուհին հրապարակել է լուսանկար, որտեղ երևում է օգտատերի այն մեկնաբանությունը, որը հիշեցնում Է Գայանեի վերաբերմունքն Անժելա Սարգսյանի անվան հետ կապված սեքս-սկանդալի վերաբերյալ:
Հիշեցնենք, որ տարիներ առաջ «Ո՞ւր է իմ տղամարդը» հեռուստասերիալի հերոսուհիները դարձան ամենաքննարկվածները:
Գայանե Ասլամազյանի նախկին ամուսնուն ձերբակալել են 40 կգ կոկաինի պատճառով
Ըստ մամուլի հրապարակումների` Անժելա Սարգսյանի սեքս-սկանդալի պատճառով սերիալի խաղընկերուհիները՝ Անի Պետրոսյանը (Աննա), Ագնեսա Շահնազարյանը (Սոֆա) ու Գայանե Ասլամազյանը (Հասմիկ) հրաժարվեցին խաղալ դերասանուհու հետ: Լրատվամիջոցներից մեկի տեղեկությամբ` Անին, Ագնեսն ու Գայանեն հեռուստաընկերության ղեկավարության առաջ պայման էին դրել, թե այլևս չեն նկարվի Անժելայի նման «անբարոյականի» հետ: Ասել էին, թե չեն ուզում, որ իրենց անունները կապվեն նրա անվան հետ:
