Իրինա Ալկսնիս, Sputnik
Երեկ WADA–ի (Համաշխարհային հակադոպինգային գործակալություն) համապատասխանության հանձնաժողովը հրապարակել է հայտարարություն, որը հանգում է երկու հիմնական կետի. առաջին`Ռուսաստանն ազգային սպորտում արդյունավետ կերպով պայքարում է դոպինգի դեմ, երկրորդ` Ռուսաստանին պետք է խստորեն պատժել։
Լուրջ, հենց այդպես էլ գրված է։
Ռուսական հակադոպինգային գործակալության գործունեությունը (ՌՈՒՍԱԴԱ) արդյունավետ է ճանաչվել, իսկ նրա համագործակցությունը մյուս հակադոպինգային կազմակերպությունների հետ` էֆեկտիվ։ Հանձնաժողովը խորհուրդ չի տալիս չորս տարվա ընթացքում հատուկ մոնիթորինգ և հսկողություն իրականացնել կազմակերպության նկատմամբ։
Միաժամանակ ներկայացվել է պատժամիջոցների ցուցակ։ Առանցքայինը երկրում միջազգային մրցույթներ անցկացնելու արգելքն է, «մաքուր» մարզիկները մրցումներին կարող են մասնակցել միայն չեզոք կարգավիճակով, իսկ խոշոր մրցումներում զրկվում են հավաքականի ազգային դրոշի ներքո հանդես գալու հնարավորությունից։ Այդ ամենը կրկին չորս տարով։
Սկզբունքային որոշումը կընդունվի դեկտեմբերի 9–ին WADA–ի նիստում։
Ռուսական սպորտի ներկայացուցիչներից ոմանք աղոտ հույս ունեն, որ ամեն ինչ լավ կավարտվի, իսկ ոմանք էլ սարսափով մտածում են, որ նման որոշումը կդառնա «ռուսական սպորտի սպանությունը»։
ԱՄՆ–ի կողմից ուժեղացող ճնշման ֆոնին Թուրքիան սկսել է թեստավորել С-400 -ի ռադարային սարքերը
Թվում էր, թե խնդիրներն աստիճանաբար լուծվել են։ Ռուսները հետևողականորեն կատարել են պահանջները և ամեն ինչ արել` իրավիճակը շտկելու համար։ Դոպինգի հետ կապված պատմությունը սկսվել է 2010–ական թվականների կեսերին, երբ Արևմուտքն ակտիվորեն մեկուսացրել է Ռուսաստանին` փորձելով կապիտուլացնել բոլոր ուղղություններով. դե, իսկ մեծ սպորտն ավանդաբար կապված է մեծ քաղաքականության հետ։ Սակայն դրանից ի վեր աշխարհում արմատական փոփոխություններ են տեղի ունեցել։
Ինչո՞ւ է սպորտում իրավիճակը միայն վատանում, իսկ ռուսաստանցի մարզիկները մնում են պատանդ WADA–ում, որը, դատելով ամեն ինչից, մտադիր չէ սանձել իր ռուսատյացությունը։
Հարցը իսկապես շատ կարևոր է և պարզ։
WADA–ն ռուսական սպորտի հետ այդպես է վարվում, որովհետև կարող է դա իրեն թույլ տալ։
Ռուսաստանը մի քանի տարում արմատապես փոխել է իր դիրքը համաշխարհային քաղաքականությունում։ Բայց դա հաջողվել է ոչ այն պատճառով, որ Մոսկվան ենթարկվել է կարգադրություններին, այլ լրիվ հակադիր պատճառներով։
Մոսկվան հրաժարվել է խաղալ պարտադրված կանոններով և սկսել ակտիվորեն թելադրել սեփական կանոնները։ Բնականաբար, դա ռիսկային է։ Միայն թե «խելոք տեղը նստելու և Արևմուտքին ավելի շատ չնյարդայնացնելու» ռազմավարությունը Ռուսաստանին սրընթաց կերպով կտաներ աղետի։
Հզոր պատասխան ՆԱՏՕ–ին. Ռուսաստանն ավարտել է «Իսկանդեր–Մ» հրթիռային համալիրների վերազինումը
Ի տարբերություն դիվանագիտական, տնտեսական, ռազմական, նավթագազային և այլ ոլորտների, որոնք Արևմուտքի նետած մարտահրավերին պատասխանել են «խաղադրույքները» բարձրացնելով, ռուսական սպորտը գնացել է այլ ճանապարհով։ Այն չի վիճել WADA–ի, Թեթև ատլետիկայի միջազգային ֆեդերացիայի և այլ կազմակերպությունների հետ։ Կատարել է բոլոր պահանջները և կարգադրությունները` հույս ունենալով, որ կհաջողվի լուծել բոլոր խնդիրները և աստիճանաբար ամեն ինչի շուրջ պայմանավորվել։
Հույսերը չարդարացան։
Այս պատմությունն ակնառու կերպով ցույց է տալիս, որ ռուսներին հարվածելու են ոչ թե նրա համար, որ նրանք ինչ–որ բան սխալ են արել, այլ որովհետև կարող են։
