ԵՐԵՎԱՆ, 27 նոյեմբերի – Sputnik. Իտալիայի Ազգային հետազոտական կենտրոնում մշակված նոր հաղորդիչները թույլ են տալիս հետևել սննդամթերքի բաղադրությանը։ Այդ մասին հայտարարեց կենտրոնի աշխատակից Սաբատո դ'Աուրիան Երևանում տեղի ունեցած պարենային անվտանգության հարցերով սեմինարի ընթացքում։
Կեղծված սննդամթերք Հայաստանում. վաճառվող թթվասերներում բուսական յուղ է հայտնաբերվել
Նրա ղեկավարած Սննդի գիտական ինստիտուտը, որը գործում է կենտրոնին առընթեր, սարքեր է մշակում մթերքների արագ մոլեկուլյար անալիզի համար։ Դա օգնում է ոչ միայն տարբերել իրական մթերքը կեղծիքից, այլ նաև հասկանալ, թե որքանով է այն անվտանգ` նույնիսկ լինելով իսկական։ Այժմ դ'Աուրիան և նրա գործընկերներն աշխատում են, որ սարքը փոքր և դյուրակիր լինի։
«Ավելի շատ սպառողներ են հետաքրքրվում, թե որքան աղ, շաքար կամ տրանս ճարպեր կան մթերքներում, որոնք նրանք գնում են։ Կան մարդիկ, որոնց օրգանիզմը գլյուտենը չի ընդունում, և նրանք պետք է հետևեն հացին և ալյուրով պատրաստված մթերքին։ Հասկանալու համար` գլյուտեն կա՞ արդյոք սպագետիի կամ պիցայի մեջ, որը նրանք պատրաստվում են ուտել, նրանց պետք է նման սարք։ Մենք մշակում ենք այդ սարքը»,–բացատրեց դ'Աուրիան։
Տարբեր սարքերի մեջ կարելի է կարգավորումներ մտցնել տարբեր նյութեր բացահայտելու համար։ Բայց դրանք կարող են աշխատել մեծ ճշգրտությամբ, ընդհուպ մինչև որևէ նյութի մոլեկուլների բացահայտում։
Երևանում «ապագայի» սննդամթերք է վաճառվում
Նորույթն արդեն հետաքրքրել է մի քանի հայկական ձեռնարկությունների։
Նշենք, որ պարենային անվտանգության սեմինարը տեղի է ունեցել ՄԱԿ–ի Պարենի համաշխարհային ծրագրի, ինչպես նաև Հայաստանում Իտալիայի դեսպանատան աջակցությամբ։
