ԵՐԵՎԱՆ, 26 նոյեմբերի — Sputnik. Հայաստանի պատվիրակության անդամ Անուշ Բեղլոյանը Սոֆիայում կայացած լիագումար նիստում ընտրվել է Սևծովյան տնտեսական համագործակցությանն (ՍԾՏՀ) խորհրդարանական վեհաժողովի փոխնախագահ։ Այս մասին այսօր լրագրողներին հայտնեց հայկական պատվիրակության անդամ Վահե Էնֆիաջյանը։
Անդրադառնալով նշանակմանը` Բեղլոյանն ասաց, որ պատվիրակության մեկ տարվա քրտնաջան աշխատանքի արդյունքն է։
Էնֆիաջյանը հայտնեց նաև, որ ադրբեջանցի պատգամավորները նորից քաղաքական հարցեր են բարձրացրել` Հայաստանի համար բացասական երանգով, թեև ՍԾՏՀ–ում զուտ տնտեսական հարցեր են քննարկվում։ Ի պատասխան այդ հայտարարությունների` Էնֆիաջյանը հիշեցրեց, որ Թուրքիան ու Ադրբեջանը շարունակում են փակ պահել Հայաստանի հետ սահմանները։
Հայաստանից մեկնած պատվիրակությունը հաստատել է Բաքվում անցկացված նախորդ նիստի արձանագրությունը, սակայն մեկ վերապահմամբ. տնտեսական կազմակերպությունը քաղաքական շահարկումների տեղ չէ։
«Եթե հետագայում էլ նման գործողություններ տեղի ունենան, ապա մեր պատասխանն ավելի խիստ կլինի», – ասաց հայկական պատվիրակության ղեկավար Բաբկեն Թունյանը։
«ՍԾՏՀ–ն քաղաքական մարտադաշտ չպետք է լինի». Լավրովը ելույթ է ունեցել Բաքվում
Նշենք` ՍԾՏՀ կառույցների նիստերում ադրբեջանցի պատգամավորները մշտապես Հայաստանի դեմ քաղաքական մեղադրանքներ են առաջադրում։
Սևծովյան տնտեսական համագործակցությունը (ՍԾՏՀ) հիմնադրվել է 25 տարի առաջ` 1992թ.–ին։ Կազմակերպությանն անդամակցում են Սևծովյան տարածաշրջանի 12 պետություններ` Ալբանիան, Ադրբեջանը, Բուլղարիան, Վրաստանը, Հայաստանը, Հունաստանը, Մոլդովան, Ռումինիան, Ռուսաստանը, Թուրքիան, Ուկրաինան, Սերբիան։
Միջազգային տնտեսական հանրությունը դրական է գնահատում. Փաշինյանը` Fitch-ի հրապարակման մասին
