ԵՐԵՎԱՆ, 24 նոյեմբերի — Sputnik. Գյումրին հայտնվել է Ամանորին ռուսաստանցի զբոսաշրջիկների համար ամենամատչելի ուղղությունների ցուցակի մեջ՝ Biletix գործակալության վարկածով։
Նշվում է, որ ռուսաստանցիների համար Գյումրի մեկնելը կարժենա մոտ 11 հազար ռուբլի (երկու ուղղությունը)։
Վարկանիշում առաջին տեղն է զբաղեցրել Մինսկը (երկու ուղղությունը՝ 6,6 հազար ռուբլի)։ Դրան հաջորդում են Ռիգան (6,7 հազար ռուբլի), Դեբրեցենը (14,2 հազար ռուբլի) և Ստամբուլը (15 հազար ռուբլի)։
Biletix գործակալությունը նշել է, որ ռուսաստանցիները հաճախ են Ամանորի տոներին ճանապարհորդության են մեկնում։
Գորիսն այս տարվա լավագույն քաղաքն է
Ավելի վաղ «ՏուրՍտատ» գործակալությունը կազմել էր ԱՊՀ լեռնադահուկային հանգստավայրերի վարկանիշը, որտեղ Հայաստանը զբաղեցրել էր չորրորդ հորիզոնականը։ Հայաստանի ամենահայտնի լեռնադահուկային հանգստավայրերն են Ծաղկաձորը և Ջերմուկը։
Բացի դրանից, զբոսաշրջիկները սիրում են ամանորյա տոներն անցկացնել նաև Աղվերանում և Դիլիջանում։
Զախարովային հիացրել է Երևանի ջազ–ակումբը, իսկ ինքը զարմացրել է հայերին. տեսանյութ
Հիշեցնենք, որ Հայաստանում ռուսաստանցի զբոսաշրջիկներն ապահովում են զբոսաշրջությունից ստացված շահույթի 45 տոկոսը։ Այդ մասին հաղորդել է ՀՀ էկոնոմիկայի նախարար Տիգրան Խաչատրյանը։ Նրա խոսքով՝ Հայաստան զբոսաշրջիկների հոսքից ամենամյա շահույթը կազմում է 1 միլիարդ 200 միլիոն դոլար։
