ԵՐԵՎԱՆ, 23 նոյեմբերի — Sputnik. Դատախազների համար կարվող ձմեռային վերարկուները նրանք չեն հագնում, բայց այսօր էլ Գլխավոր դատախազությունը շարունակում է ձմեռային վերարկուներ պատվիրել: Այս մասին գրում է «Ժողովուրդ» օրաթերթը։
«Այս առնչությամբ «Ժողովուրդ» օրաթերթին Գլխավոր դատախազությունից պարզաբանել են, թե կառավարության որոշմամբ դատախազներին ձմեռային վերարկու և անձրևանոց հատկացվում է 3 տարին մեկ անգամ։ 2017-ին ու 2018-ին դատախազներին վերարկուներ չեն հատկացրել»,–գրում է թերթը։
Դատախազության հանրային կապերի բաժնից «Ժողովուրդ» օրաթերթին տեղեկացրել են, որ 2019 թվականի համար մրցութային կարգով իրականացվել է այդ հագուստի ձեռքբերման գործընթաց:
Հնարավո՞ր է ապրել առանց սեքսի և ուտելիքի. բողոքի առաջին ակցիաներից մինչև մեր օրեր
Դատախազները «Ժողովուրդ» օրաթերթին դժգոհել են` եթե այդ վերարկուներն իրենք ո՛չ հագնում են, ո՛չ էլ նույնիսկ պահում պահարանում. ո՞րն է եղել այդ մրցույթն անցկացնելու, դրանք դարձյալ պատվիրելու նպատակը։ Բացի այդ, ինչպե՞ս է պատահում, որ և՛ 2016-ին, և՛ 2019-ին մրցույթը հենց նույն կազմակերպությունն է հաղթում:
Արարատ Միրզոյանը բացատրել է` ինչու ինքնուրույն չի հագնում իր վերարկուն
«Ժողովուրդ» օրաթերթը պարզել է նաև, որ Գլխավոր դատախազության վարչությունների թիվն էլ ավելացել է` 9-ից դառնալով 12-ը:
Հիշեցնենք, որ օրեր առաջ «Ժողովուրդը» կրկին գրել էր, որ դատախազները բողոքում են, որ այդ վերարկուները ոչ միայն իրենք չեն հագնում, այլ նաև դրանք իրենց չեն էլ հասնում։
