ԵՐԵՎԱՆ, 21 նոյեմբերի – Sputnik. Երևանի կենտրոնում` Աբովյան և Պուշկինի փողոցների խաչմերուկում, այրվում է «Պրովանս» ռեստորանի երկհարկանի շենքը։
ՀՀ արտակարգ իրավիճակների նախարարության մամուլի ծառայությունը հայտնում է, որ հրդեհի մասին ահազանգը ստացել են ժամը 13:46-ին։
Հրդեհի բարդության «1-ԲԻՍ» կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, ճգնաժամային կառավարման ազգային կենտրոնի արտակարգ իրավիճակների արձագանքման և օպերատիվ խմբերը, ինչպես նաև հոգեբանական աջակցության բաժնի հոգեբանական խորհրդատվության գծով հրահանգիչը:
Ժամը 14:10-ին հայտարարվել է հրդեհի բարդության «Թիվ-2» աստիճան:
Հրդեհ Ստեփանակերտի բազմահարկ շենքերից մեկում. կա զոհ. լուսանկարներ
Դեպքի վայր են մեկնել ԱԻՆ Փրկարար ծառայության Երևան քաղաքի փրկարարական վարչության հրշեջ-փրկարարական ջոկատներից ևս չորս մարտական հաշվարկ և մեկ ավտոսանդուղք:
![Խոշոր հրդեհ Երևանում. երկհարկանի շենք է այրվում Խոշոր հրդեհ Երևանում. երկհարկանի շենք է այրվում - Sputnik Արմենիա](https://cdn.am.sputniknews.ru/img/2116/78/21167898_0:0:1280:960_600x0_80_0_0_8d5f5c3d27cf4a45e1934bc963563e7e.jpg)
Նշենք, որ Աբովյան 10 հասցեում գտնվող շենքը կառուցվել է 19-րդ դարում։ Դրա կողքին` Աբովյան 12 հասցեում, մեկ այլ շենք էլ կա։ Պատմամշակութային հուշարձանների պետական ցուցակում դրանք ներառված են «Գրիգոր Ամիրյանի բնակելի տուն» անվամբ: Պատմամշակութային շենքերի սեփականատերը գործարար Սամվել Մայրապետյանն է:
![Խոշոր հրդեհ Երևանում. երկհարկանի շենք է այրվում Խոշոր հրդեհ Երևանում. երկհարկանի շենք է այրվում - Sputnik Արմենիա](https://cdn.am.sputniknews.ru/img/2117/23/21172321_0:0:1920:1080_600x0_80_0_0_99c9f79be00c5be229643308bc0f47b0.jpg)