ԵՐԵՎԱՆ, 17 նոյեմբերի –Sputnik. Բելառուսի նախագահ Ալեքսանդր Լուկաշենկոն մտադիր է հաջորդ տարի ևս մասնակցել երկրի նախագահական ընտրություններին, հայտնում է Sputnik Բելառուսը։
Բելառուսում նոյեմբերի 17-ին խորհրդարանական ընտրություններ են անցկացվում։ Հաջորդ տարի հանրապետությունում պետք է տեղի ունենան նախագահական ընտրություններ։
Այսօր խորհրդարանական ընտրություններին քվեարկելուց հետո Լուկաշենկոն պատասխանեց լրագրողների` արդյո՞ք մտադիր է մասնակցել 2020 թվականի նախագահական ընտրություններին հարցին։
«Ես այդ հարցին վաղուց եմ պատասխանել։ Եթե մարդիկ ինձ որևէ ընտրության ժամանակ չսատարեն, ես նրանցից չեմ նեղանա», – նշել է նա։
Պետության ղեկավարի խոսքով` ժողովուրդն անձամբ պետք է իրեն խնդրի թեկնածությունը կրկին դնել, եթե ցանկանում են հետագայում ևս հանգիստ ապրել։ Լուկաշենկոն ընդգծեց, որ ինքն իր թեկնածությունը դնելու է, որպեսզի չասեն, թե նա «փախել է»։
Լուծել հետխորհրդային տարածքում առկա հակամարտությունները. Լուկաշենկոյի կոչը
«Իմ թեկնածությունը ես կդնեմ այդ ընտրություններին, եթե հասկանամ, որ ժողովուրդը կտրականապես դեմ է, իհարկե կմտահոգվեմ, բայց այդ դեպքում ժողովուրդը պետք է մերժի իմ թեկնածությունը», – ասել է Լուկաշենկոն։
Նա նաև հավելել է, որ նախագահի պաշտոնից չի կառչելու, քանի որ դա «ամենևին էլ փափուկ աթոռ չէ»։
Որտե՞ղ է գիշերել Բելառուսի նախագահը. Գագիկ Ծառուկյանը պատասխանել է մամուլին
Նշենք, որ այսօր Բելառուսում ընտրողները քվեարկում են Ներկայացուցիչների պալատի (Երկրի խորհրդարանի ստորին պալատ – խմբ.) ապագա կազմն ընտրելու համար։ Այն կազմված է 110 պատգամավորից, որոնք ընտրական օկրուգների համապատասխան քանակ են ներկայացնում։
