ԵՐԵՎԱՆ, 17 նոյեմբերի — Sputnik. ՀՀ վարչապետ Նիկոլ Փաշինյանը հրաժարվել է պոլիէթիլենային տոպրակներից ու գնումների համար կտորից տոպրակներ է վերցրել։ Այս մասին տեղեկանում ենք Փաշինյանի` Facebook սոցիալական ցանցի իր էջում հրապարակած լուսանկարին կից գրառումից։
«Հրաժարվում ենք պոլիէթիլենային տոպրակներից ու գնումների համար վերցնում ենք բազմակի օգտագործման կտորե տոպրակներ»,–գրել է նա։
Մեկ ուրիշ գրառմամբ էլ Փաշինյանը հայտնել է, որ խանութում հանդիպել է Հայաստանի ազգային հերոս Հովհաննես Չեքիջյանին։ Փաշինյանը նրա հետ սելֆի է արել ու այն տեղադրել Facebook-ի իր էջում։
Հիշեցնենք, որ այսօր Փաշինյանը Կոտայքի մարզ էր այցելել ու ծանոցաթել մարզի գյուղերում իրականացվող սուբվենցիոն ծրագրերին` մարզադպրոցի կառուցումից մինչև ջրամատակարարման լուծման խնդիրներին։
Նշենք, որ Հովհաննես Չեքիջյանը «Հայաստանի ազգային հերոս» է և ղեկավարել է աշխարհի շուրջ 56 նշանավոր սիմֆոնիկ նվագախումբ։
1961թ. Չեքիջյանը նշանակվել է Հայաստանի պետական երգչախմբի գեղարվեստական ղեկավար և գլխավոր դիրիժոր և Երևանի օպերայի և բալետի թատրոնի տնօրեն ու գեղարվեստական ղեկավար։
