ԵՐԵՎԱՆ, 16 նոյեմբերի – Sputnik. Երևանի քաղաքապետարանի ներկայացուցիչներն այսօր առավոտյան գնացել են Դալմայի այգիներ` պարզելու երեկվա ահազանգի պատճառները։ Facebook սոցիալական ցանցի իր էջում այս մասին գրել է քաղաքապետի մամուլի խոսնակ Հակոբ Կարապետյանը։
Բնապահպան Մարի Չաքրյանը Facebook—ի իր էջում գրել էր, թե Դալմայի այգեգործներից ահազանգ է ստացվել, որ այնտեղ գտնվող 16-17-րդ դարերի գինու հնձանը քանդել են:
Այստեղ շունչդ կտրվում է․ թոփ 10 վայրեր Հայաստանում, որոնք ապշեցնում են զբոսաշրջիկներին
«Տարածքում առնվազն 3-4 հնձան կա, որ մասնագետները թվագրում են 18-19 դարերով։ Դրանցից ամենալավ պահպանվածը հիմա էլ կանգուն է։ Ցավոք սրտի, երեկ քանդվել է կառուցապատողի տարածքում գտնվող հնձաններից մեկը։ Պատճառը թերեւս այն է, որ պետությունը տարիներ շարունակ հրաժարվել է այն ներառել պատմաճարտարապետական հուշարձանների ցանկում, իսկ օտարման ժամանակ կառուցապատողը չի զգուշացվել, ոչ տարածքում արժեքավոր կառույցներ կան»,– գրել է Կարապետյանը։
Թղիթ ամրոց, Ծաղկեվանք մատուռ. Ծաղկունյաց լեռներում թաքնված պատմական անցյալի անխոս վկաները
Նա նշել է, որ տարածքում առնվազն 2-3 կիսավեր հնձաններ էլ կան։ Ըստ Կարապետյանի` դրանք ամուր իրավական պաշտպանության կարիք ունեն, անկախ ճարտարապետական արժանիքներից, դրանք Երևանի պատմության վկայությունն են։
Միջնադարյան հնձան և գինու մառան` Եղեգնաձորում. ինչ և ինչպես էին խմում մեր նախնիները
