Շատերին թվում է, որ եթե փողոցում բողոքող զանգվածը քիչ է, տասնյակ հազարավոր, առավել ևս հարյուր հազարավոր մարդիկ չկան, ապա կարելի է ուշադրություն չդարձնել, բայց շատերը չեն հասկանում, որ ժամանակներն ու տեխնոլոգիաները փոխվել են: Հիմա նույնիսկ մի քանի հարյուր մարդկանց եթե միանում է նաև սոցիալական ցանցերի համակիրները, հնարավոր է շատ մեծ ազդեցություն թողնել գործընթացների վրա: Այս մասին Sputnik Արմենիայի հետ զրույցում ասաց քաղտեխնոլոգ Վիգեն Հակոբյանը։
«Սոցիալական ցանցի բաժանորդները, տեղեկատվության սպառողները, պայմանականորեն ասած, մասնակցում են օնլայն հանրահավաքի, երթի և այլ միջոցառումների: Փաստենք, որ թեև այժմ գոնե մեծ զանգվածներ չկան փողոցում, սակայն դրանք կայուն զանգվածներ են ու բավականաչափ ցավագին հարվածներ են հասցնում իշխանությանը»,- նշեց նա:
Արայիկ Հարությունյանը պատրաստ է աղմկահարույց հարցը քննարկել շահագրգիռ կողմերի հետ
Քաղտեխնոլոգի կարծիքով՝ իշխանության ներկայացուցիչների նյարդային կեցվածքից, ընդհուպ մինչև վարչապետի նյարդային արձագանքներից, հասկանալի է, որ տևական բողոքի ակցիաներն արդեն իսկ ազդում են իշխանության վարքագծի և, գուցե, նաև քաղաքական որոշումների կայացման վրա:
ԵՊՀ դասախոսները չեն շտապում` կսպասեն նախարարի վերադարձին. ինչ է առաջարկում փոխնախարարը
