Հանրային խորհրդի նախագահի հրաժարականը տրամաբանված էր ու իրավիճակից բխող: Այս մասին Sputnik Արմենիայի հետ զրույցում ասաց քաղտեխնոլոգ Վիգեն Հակոբյանը։
Նրա կարծիքով՝ եթե նույնիսկ այս պահին Վազգեն Մանուկյանը չի դիտարկվում որպես ինքնուրույն ֆիգուր կամ ինքնուրույն լիդեր, չունի հնարավորություններ, այդուհանդերձ, ցանկացած քաղաքական ուժի կամ լիդերի կողքին կանգնելու դեպքում ոչ թե կթուլացնի, այլ կուժեղացնի նրան:
Խոսելով ներքաղաքական որոշ զարգացումների ու երևույթների մասին՝ Հակոբյանը նշեց, որ իրադարձությունները կրում են հատվածային բնույթ և շիկանում են ժամանակ առ ժամանակ, իսկ իշխանությունը որոշ դեպքերում հանրության տարբեր շերտերի կամ խմբերի հակազդեցությանը հանդիպելիս նահանջում է՝ խուսափելով իրավիճակի սրացումներից:
Ո՞վ կփոխարինի Վազգեն Մանուկյանին. «Ժողովուրդ»
«Հայաստանի ընդդիմության մեջ կան բազմաթիվ շերտեր, որտեղ և՛ նախկին իշխանության մասերն են ներգրավված, և՛ նոր դիրքավորվող ուժերը։ ՀՀԿ–ն, օրինակ` հանդես է գալիս անհատների տեսքով։ Հանրապետականի ձայնը` որպես կուսակցություն, չի լսվում։ Կա Դաշնակցություն, որը փորձում է ակտիվ դերակատարում ունենալ և՛ այստեղ, և՛ Արցախում, և ձևավորվում են նոր քաղաքական ուժեր, որոնք դիրքավորվում են ընդդիմության դաշտում»,- ընդգծեց քաղտեխնոլոգը:
Մեր երկրում ձևավորվել է ատելության աննախադեպ մթնոլորտ. Վազգեն Մանուկյանը հրաժարական է տվել
Հակոբյանի կարծիքով՝ դեռ աշնան սկզբից կուտակվել են մի շարք խնդրահարույց հարցեր, որոնք վաղ թե ուշ պետք է լուծում ստանան, քանի որ իշխանության վրա ճնշում է գործադրվում ինչպես երկրի ներսում, այնպես էլ արտերկրից:
