ԵՐԵՎԱՆ, 13 նոյեմբերի – Sputnik. Ռուսական Caviar ընկերությունը, որը հայտնի է առաջատար սմարթֆոնների` իր առաջարկած չափազանց թանկարժեք և յուրահատուկ մոդելներով, այս անգամ իր տեսականին համալրել է Apple-ի նոր անլար ականջակալներով։
Հավաքածուի ամենաթանկ մոդելը Caviar AirPods Pro Gold Edition-ն է։ Ըստ արտադրողի ՝ սա աշխարհում միակ մոդելն է, որի ականջակալների ու պատյանի կորպուսը պատրաստված են 750 հարգի ամբողջական ոսկուց:
Ընկերությունը նման ոսկե աքսեսուարի ընդամենը մեկ օրինակ կթողարկի ամբողջ աշխարհում։ Փոփոխված AirPods Pro-ն բնօրինակից ավելի ծանր է, բայց Caviar-ը չի հստակեցնում, թե ինչքան: Նման ականջակալները կարժենան մոտավորապես 32 մլն դրամ։
Caviar-ն առաջարկում է AirPods Pro-ի ևս մի քանի տարբերակ, որոնք արժեն 620 000-ից 734000 դրամ: Դրանք հասանելի են ոչ միայն սպիտակ պատյանով, այլ նաև ուրիշ գույներով ՝ սևից մինչև վարդագույն և կանաչ։ Լիցքավորիչը զարդարված է պիթոնի կամ համապատասխան գույնի ալիգատորի բնական կաշվով:
Հիշեցնենք, որ մինչ այս ընկերությունը ներկայացրել էր iPhone 11 Pro-ի մի քանի տեսակներ, որոնց գինը սկսվում էր 2 մլն դրամից և ավարտվում 35 մլն դրամով։
AirPods Pro ականջակալների կրկնօրինակներն արդեն արտադրվում են. լուսանկար
