ԵՐԵՎԱՆ, 13 նոյեմբերի – Sputnik. Արարատի մարզի Մասիս քաղաքի թիվ 1 մանկապարտեզում հայտնաբերվել է «Զինվորի բաժին. վաճառքի ենթակա չէ» մակնշմամբ «ԽԱՔ» ՍՊԸ արտադրության 6 տուփ 200գ-ոց թթվասեր, որը մատակարարել է «Ռուզ Մարտի» ՍՊԸ-ն: Այս մասին հայտնում է Սննդամթերքի անվտանգության տեսչական մարմինը։
«Մալաքիտի» գաղտնիքը. հայկական ձուկը խոտանվել է ՌԴ–ում, իսկ Երևանում խնդիր չի ունեցել
«Այս կապակցությամբ հաղորդում է ներկայացվել ՀՀ դատախազություն։ Ստուգում է սկսվել «Զինվորի բաժին. Վաճառքի ենթակա չէ» մակնշմամբ թթվասեր մատակարարած «Ռուզ Մարտի» ընկերությունում»,– նշված է հաղորդագրության մեջ:
Այս հանրակրթական հաստատությունում հայտնաբերվել է նաև բուսասերուցքային արտադրանք՝ պատրաստված բուսական յուղով՝ թթվասերի տեխնոլոգիայով, որի իրացումը մանկապարտեզում արգելված է: Թե՛ թթվասերի, թե՛ բուսասերուցքային արտադրանքի իրացումը կասեցվել է:
Մասիսի թիվ 1 մանկապարտեզում վերահսկողությունը շարունակվում է, կկիրառվեն վարչական պատասխանատվության միջոցներ:
Աշխատող ծնողների հոգսը կթեթևանա. մանկապարտեզներում երկարօրյա ծառայություն կլինի
