ԵՐԵՎԱՆ, 13 նոյեմբերի — Sputnik. 2020թ–ի հունվարի 1-ից ԵԱՏՄ շրջանակում մաքսատուրքերի բարձրացման հետևանքով Հայաստանում ապրանքների ընդհանուր թանկացումը կկազմի 0.5 տոկոս։ Այս մասին այսօր ԱԺ–ում հայտարարեց Էկոնոմիկայի նախարար Տիգրան Խաչատրյանը։
«Առաջիկա շաբաթվա ընթացքում մենք կհրապարակենք, թե մեր սպառողական զամբյուղում այդ ապրանքատեսակները որքան տեսակարար կշիռ ունեն` ըստ պաշտոնապես հաստատված մեթոդաբանության»,– ասաց նա։
Նախարարը վստահեցրեց, որ գնաճը հաջորդ տարի լինելու է 2020թ–ի բյուջեի նախագծի հիմքում դրված ցուցանիշի սահմաններում, և ՀՀ քաղաքացիները լրացուցիչ բեռ չեն զգալու։
Ջրի սակագնի թանկացում չի սպասվում. Բաղրամյանը խոսեց նաև գազի և էլեկտրաէներգիայի գներից
Նշենք, որ 2020թ–ի հունվարի 1-ից դադարեցվում են մասնավորապես հացահատիկի, մսի, ձվի, դեղորայքի, ավտոմեքենաների ներկրման համար Հայաստանին տրամադրված արտոնյալ ժամկետները և ուժի մեջ են մտնում ԵԱՏՄ–ում սահմանված նոր մաքսատուրքերը։
Ձմռանը գազը չի թանկանա. ռուսական կողմի հետ բանակցությունները շարունակվում են
