Մեկ տարի առաջ ստեղծված, այսպես կոչված, կադրային բանկին դիմած հազարավոր քաղաքացիներից ընդամենը մի քանիսն են ընդունվել աշխատանքի: Այս մասին Sputnik Արմենիայի հետ զրույցում ասաց վարչապետի աշխատակազմի ղեկավար Էդուարդ Աղաջանյանը։
«Կադրային բանկից որոշ նշանակումներ եղել են, մասնավորապես, վարչապետի օգնական է նշանակվել, ինչպես նաև սոցապ ծառայության նախկին պետը ևս կադրային բանկից էր: Ընդհանուր առմամբ, խնդիր կա կադրային բանկին ուղարկված ինքնակենսագրականների որակի հետ»,-նշեց վարչապետի աշխատակազմի ղեկավարը:
Ըստ Աղաջանյանի` դիմումների ճնշող մեծամասնությունը չի համապատասխանում այն չափանիշներին, որոնք անհրաժեշտ են վարչապետի աշխատակազմում աշխատանքի անցնելու կամ, մասնավորապես, վարչապետի հետ ուղիղ աշխատանքի համար:
Պետական համակարգում բարձրակարգ ու պրոֆեսիոնալ կադրերի կարիք կա. Աղաջանյան
Ինչ վերաբերում է վարչապետի աշխատակազմում կադրերի նշանակման հարցում իր դերակատարությանը, ապա Աղաջանյանը չի ժխտում, որ իր կարծիքն ու դիրքորոշումը որոշակի ազդեցություն ունենում է քաղաքացիներին աշխատանքի ընդունելու կամ աշխատանքից ազատելու՝ վարչապետի որոշումների վրա:
Ճաղարյան. «Արթուր Վանեցյանի դեմ իրականացրած սաբոտաժի հետևում ՀՖՖ գլխավոր քարտուղարն է»
«Վստահեցնում եմ, որ դա միակ հանգամանքը չէ, ինչի հիման վրա վարչապետը նման որոշումներ է կայացնում: Իսկ ինչ վերաբերում է Տեսչական մարմինների աշխատանքների համակարգման գրասենյակի ղեկավար Հայկ Այվազյանի պաշտոնանկությանը, ապա՝ իմ և Այվազյանի անձնական հարաբերությունները բացարձակ կապ չունեն Հայկ Այվազյանին աշխատանքից ազատելու հետ, և դա զուտ գործնական հարաբերությունների դաշտում էր»,-մանրամասնեց Աղաջանյանը:
