ԵՐԵՎԱՆ, 8 նոյեմբերի – Sputnik. ՀՀ պաշտպանության նախարարության խոսնակ Արծրուն Հովհաննիսյանը Facebook-ի իր էջում լուսանկարներ է հրապարակել, որին կից նկարագրել է, թե ինչպես է անցնում հերթափոխ իրականացնող զինծառայողների առօրյան։
«Նռանե» մարտական դիրք։ Այսօր տղաները պատրաստվում են հերթափոխի, մաքրություն են անում և ահա այսքան ավելացած սնունդ թողնում են նոր հերթափոխին։
ՀՀ ՊՆ խոսնակը նաև ընդգծել է, որ դիրքի ավագը` սերժանտ Արա Կարապետյանն աչքի է ընկնում իր պրոֆեսիոնալիզմով։
«Դիրքի ավագ Արա Կարապետյանը պրոֆեսիոնալ սերժանտ է։ Եզակի կայացած հրամանատար, վաշտի հրամանատարի մակարդակի ղեկավար։ Հստակ տիրապետում է իրավիճակին, ցանկացած հարց ինքնուրույն լուծում»,- գրել է Հովհաննիսյանը։
