ԵՐԵՎԱՆ, 7 նոյեմբերի — Sputnik. Հայաստանի ֆուտբոլի ֆեդերացիայի նախագահ Արթուր Վանեցյանը հավաքականի մարզչի նշանակմամբ խախտել է ֆեդերացիայի կանոնադրությունը։ Այսօր ԱԺ–ում լրագրողների հետ զրույցում այս մասին ասաց ՀՀ առողջապահության նախարար, ՀՖՖ գործկոմի անդամ Արդեն Թորոսյանը։
«Գլխավոր մարզչի նշանակումը ֆեդերացիայի ամենակարևոր հարցերից մեկն է, ինչը գործող կանոնադրությամբ վերապահված է գործկոմին։ Այսինքն` պետք է լիներ առաջադրում, քննարկում, քվեարկություն, նշանակում։ Բայց այդ ամենը տեղի չի ունեցել։ Խախտվել է ընթացակարգ, որը չպիտի խախտվեր»,– ասաց Թորոսյանը։
Այս հիմքով ՀՖՖ նախագահի հնարավոր հրաժարականի մասին հարցին Թորոսյանը չպատասխանեց` խոստանալով նման գործընթացի դեպքում տեղեկացնել հանրությանը։
Այդուհանդերձ, նախարարը չբացառեց, որ նման դեպքերի համար ՀՖՖ կանոնադրությունը պատասխանատվության միջոց է նախատեսում ՀՖՖ նախագահի համար, բայց թե ինչ միջոց, տեղյակ չէ։ Այդ մասին ևս Թորոսյանը խոստացավ հայտնել համապատասխան գործընթաց սկսելու դեպքում։
Հիշեցնենք` ՀՖՖ–ն երեկ հայտարարեց, որ Արթուր Վանեցյանը Հայաստանի ազգային հավաքականի գլխավոր մարզիչ է նշանակել Աբրահամ Խաշմանյանին։
Որտեղից է հրապարակվել Վանեցյանի և Խաչատրյանի գաղտնալսված զրույցը. Գրիգորյանի բացահայտումը
Այս նշանակումից հետո վարչապետ Նիկոլ Փաշինյանի խորհրդական, ՀՖՖ Ներքին աուդիտի և համապատասխանության կոմիտեի նախագահ Մեսրոպ Առաքելյանը Facebook-ում գրեց, որ Վանեցյանը խախտել է ՀՖՖ կանոնադրությունը, երբ գլխավոր մարզիչ է նշանակել` առանց գործկոմի հետ քննարկումների: Նրա խոսքով` այդ նշանակումն իրավական ուժ չունի։
Առաքելյանի հայտարարությունը տարածել էին ՀՖՖ գործկոմի այլ անդամները ևս, այդ թվում` ԱԺ պատգամավոր Արեն Մկրտչյանն ու նախարար Արսեն Թորոսյանը։
Արթուր Վանեցյանին ձերբակալելո՞ւ են. պատասխանում է ԱԱԾ տնօրենի պաշտոնակատարը
