ԵՐԵՎԱՆ, 7 նոյեմբերի –Sputnik. Մալայզիայի նախկին թագավոր, սուլթան Մուհամմադ V–րդը իր նախկին կնոջը` «Միսս Մոսկվա 2015» Օքսանա Վոևոդինային, առաջարկել է իրենց որդու համար տրաստային հիմնադրամ ստեղծել։ Բայց դրա դիմաց նա իր պայմաններն է առաջարկել, գրում է Daily Mail պարբերականը։
Պարբերականի փոխանցմամբ` հաշվի վրա կարող է շուրջ 250 000 դոլար լինել։ Դրա դիմաց նախկին թագավորը չի ուզում շփվել որդու հետ։ Բացի այդ երեխան պետք է դաստիարակվի և ուսում ստանա իսլամական ավանդույթներով։
Սակայն այսքանով Մուհամմադի ցանկությունները չեն ավարտվում, նա նաև նշել է, որ Վոևոդինան պետք է փակի սոցցանցերի իր էջերը, այդ թվում և Instagram–ում, որտեղ Վոևոդինան շուրջ 570 հազար բաժանորդ ունի. այնտեղ նա հրապարակում է երեխայի և նախկին ամուսնու լուսանկարները։
«Միսս Մոսկվան» առաջին անգամ ցույց է տվել իր և Մալայզիայի նախկին թագավորի որդուն
Նախկին միապետը, տրաստային հիմնադրամից բացի, պատրաստ է նաև 10 ամսվա ընթացքում նախկին կնոջը 100 000 դոլար վճարել։
Մուհամմադ V–ը չի հավատում, որ երեխայի հայրն ինքն է, և պնդում է, որ նրա հայրը կարող է լինել ասիական արտաքին ունեցող ցանկացած տղամարդ։
View this post on Instagram
Սակայն Օքսանա Վոևոդինան համաձայն չէ, ավելին, նա մտադիր է դատարանի միջոցով ապացուցել Մուհամադի հայրությունը։
Նշենք, որ Վոևոդինան և սուլթանը ամուսնալուծվել են Սինգապուրի դատարանի միջոցով այս տարվա ամռանը։ Պարբերականների տվյալներով` ամուսնալուծության պատճառը կնոջ անհավատարմությունն է եղել։ Վոևոդինան հրաժարվել է մեկնաբանել բաժանման «իրական պատճառները», ասելով, թե չի ցանկանում որևէ մեկին ցավ պատճառել։
