ԵՐԵՎԱՆ, 6 նոյեմբերի — Sputnik. Մոսկովյան հայտնի «Լիտֆոնդ» աճուրդի տունը վաճառքի է հանել ԽՄԿԿ գլխավոր քարտուղար Լեոնիդ Իլյիչ Բրեժնևի վարորդական իրավունքն ու խախտումների կտրոնը։
Աճուրդի հայտարարության մեջ նշված է, որ փաստաթղթերը լամինացված են, գերազանց պահպանված։
![Լեոնիդ Բրեժնևի վարորդական իրավունքը մոտ 12 մլն դրամով դրվել է աճուրդի. լուսանկարներ Լեոնիդ Բրեժնևի վարորդական իրավունքը մոտ 12 մլն դրամով դրվել է աճուրդի. լուսանկարներ - Sputnik Արմենիա](https://cdn.am.sputniknews.ru/img/2100/54/21005495_0:0:600:420_600x0_80_0_0_d5411d68505dc16778f301a17883d1ff.jpg)
«Բնական է, որ վարորդական իրավունքի վկայականի տերը բոլոր տեսակի տրանսպորտային միջոցներ վարելու իրավունք ուներ,– ասված է հայտարարության մեջ,– մոտոցիկլետ, մարդատար, բեռնատար, ավտոբուս. Լեոնիդ Իլյիչը կարող էր վարել ամեն ինչ»։
![Լեոնիդ Բրեժնևի վարորդական իրավունքը մոտ 12 մլն դրամով դրվել է աճուրդի. լուսանկարներ Լեոնիդ Բրեժնևի վարորդական իրավունքը մոտ 12 մլն դրամով դրվել է աճուրդի. լուսանկարներ - Sputnik Արմենիա](https://cdn.am.sputniknews.ru/img/2100/54/21005490_0:0:427:600_600x0_80_0_0_0544de5c7efe7a2387900d6aa63a1466.jpg)
Ինչ վերաբերում է խախտումների կտրոնին, դրա վրա ոչ մի դակում չկա, ինչը նշանակում է, որ Բրեժնևը որևէ խախտման համար նախազգուշացում չի ստացել։
![Լեոնիդ Բրեժնևի վարորդական իրավունքը մոտ 12 մլն դրամով դրվել է աճուրդի. լուսանկարներ Լեոնիդ Բրեժնևի վարորդական իրավունքը մոտ 12 մլն դրամով դրվել է աճուրդի. լուսանկարներ - Sputnik Արմենիա](https://cdn.am.sputniknews.ru/img/2100/55/21005501_0:0:600:421_600x0_80_0_0_0ae439f16b292cb0907f3a4e33682111.jpg)
Փաստաթղթերի տրամադրման ժամկետը նշված է 10 դեկտեմբերի 1976 թվական։ Դրանից 9 օր հետո լրացել է Բրեժնևի 70-ամյակը։
Փաստաթուղթը վաճառքի ներկայացրած քաղաքացին հայտնել է, որ վարորդական իրավունքը յուրօրինակ կատակ–նվեր է Լեոնիդ Իլյիչին` 70–ամյակի առիթով, ԽՍՀՄ Ներքին գործերի նախարար Նիկոլայ Շչոլոկովի կողմից։
![Լեոնիդ Բրեժնևի վարորդական իրավունքը մոտ 12 մլն դրամով դրվել է աճուրդի. լուսանկարներ Լեոնիդ Բրեժնևի վարորդական իրավունքը մոտ 12 մլն դրամով դրվել է աճուրդի. լուսանկարներ - Sputnik Արմենիա](https://cdn.am.sputniknews.ru/img/2100/54/21005483_0:0:421:600_600x0_80_0_0_73b41deb127b863041e60d7ed62d9601.jpg)
Աճպարար Հարություն Հակոբյանի ինքնագիրը դարձել է առցանց աճուրդի ամենաթանկ լոտը
«Փաստաթղթերը պահվել են Բրեժնևի առանձնատանը։ 1991թ–ին, երբ Մոսկվայի քաղաքապետ դարձավ Գավրիիլ Պոպովը, առանձնատունը փոխանցվեց նրան։ Բրեժնևի անձնական իրերն ու փաստաթղթերը հանվեցին վաճառքի»,– նշված է աճուրդի տան կայքում։
Աճուրդային առաջարկների համար վերջնաժամկետը նոյեմբերի 14-ն է։
Բրեժնևի վարորդական փաստաթղթերի մեկնարկային արժեք է սահմանվել 1 500 000 ռուբլի (մոտ 12 մլն դրամ)։