ԵՐԵՎԱՆ, 5 նոյեմբերի — Sputnik. Հոլիվուդի աստղ Անջելինա Ջոլիին, նրա գործընկեր Ռիչարդ Մեդենիին և ամբողջ նկարահանող թիմին տարհանել են «Հավերժները» ֆիլմի նկարահանման հարթակից չպայթած ռումբի պատճառով։ Այս մասին հայտնում է Metro–ն։
Կանարյան կղզիներից մեկում` Ֆուերտեվենտուրայում գտնվող նկարահանման հարթակ են կանչել ռազմամթերքի ուտիլիզացիայի հարցերով զբաղվող փորձագետների։
«Սարսափելի է։ Ռումբը կարող էր տասնամյակներ այստեղ մնալ, սակայն ով գիտեր, թե ինչ կարող էր պատահել, եթե նրան դիպչեին», –պատմեց ականատեսը։ Նա ավելացրել է, որ կղզում այդ պահին գտնվում էին աշխարհահռչակ շատ աստղեր։
Նշվում է, որ Երկրորդ համաշխարհային պատերազմի տարիներին նացիստներն իրենց բազաներն են ունեցել Ֆուերտեվենտուրայում։ Հավանականություն կա, որ ռումբն այդտեղ է հայտնվել ու մնացել այն ժամանակներից։
«Հավերժները» ֆիլմի ռեժիսորը Քլոյա Չժաոն է, որը հայտնի է «Ձիավորը» և «Երգեր, որոնք ինձ սովորեցրել են եղբայրներս» ֆիլմերով։ Ջոլիից և Մեդենից բացի, ֆիլմում նկարահանվում են Ջեմմա Չանը, Քիթ Հարնգթոնը, Սալմա Հայեքն ու Բրայան Թայրի Հենրին։ «Հավերժները» շարքը ստեղծել է նկարիչ և գրող Ջեք Քերբին։ Սյուժեի հիմքում Ցելեստիալների` հզոր տիեզերական էակների շնորհիվ հայտնված գերմարդկանց ռասայի մասին պատմությունն է։
Քիմ և Քորթնի Քարդաշյանները գովազդում են ռուս գործարարի ստարտափը
Օգոստոսին հայտնի դարձավ, որ ֆիլմում առաջին գեյ- սուպերհերոս կհայտնվի։ Այդ տեղեկությունը հաստատել է Marvel–ի ղեկավար Քևին Ֆայգին։
