ԵՐԵՎԱՆ, 3 նոյեմբերի — Sputnik. Հայաստանի երիտասարդական հավաքականի անդամ, 60 կգ քաշային հունահռոմեական ոճի ըմբիշ Արմեն Մելիքյանը Բուդապեշտում նվաճեց մինչև 23 տարեկանների աշխարհի չեմպիոնի կոչումը:
3 նոյեմբերի 2019, 13:55
Հայ ըմբիշը եզրափակիչում 9:7 հաշվով հաղթեց Ղրղզստանի ներկայացուցիչ Զալոման Շարշենբեկովին: Մինչ այդ Մելիքյանը եզրափակիչի ճանապարհին խոշոր՝ 8:0, 4:0, 5:0 հաշիվներով հաղթել էր մրցակիցներին:
Քիչ անց բրոնզե մեդալի համար կգոտեմարտեն 55 կգ քաշային Նորայր Հախոյանն ու գերծանր քաշային Դավիթ Օվասապյանը:
Նշենք, որ արդեն 3 օր է՝ Հունգարիայի մայրաքաղաք Բուդապեշտում ընթանում է հունահռոմեական ոճի ըմբշամարտի աշխարհի մինչև 23 տարեկանների առաջնությունը:
«Փյունիկ» ակումբի ֆուտբոլիստ Էրիկ Վարդանյանը կխաղա «Սոչիում»․ ԶԼՄ
