Այսօր` նոյեմբերի 2-ին, «911» ծառայությունը տեղեկություն է ստացել, որ Գյումրի քաղաքի Մայակովսկի փողոցի տներից մեկում տեղի է ունեցել փլուզում. անհրաժեշտ է փրկարարների օգնությունը: ԱԻՆ–ի մամուլի ծառայությունը հայտնում է, որ դեպքի վայր մեկնած փրկարարները պարզվել է, որ մասամբ փլուզվել է տներից մեկին կից քարե պարիսպը (կառուցված 1919 թ.)՝ մոտ 10 քմ:
Փրկարարները սահմանազատել են տարածքը և տեղի ունեցածի մասին հայտնել Շիրակի մարզպետարանի ու Գյումրու քաղաքապետարանի քաղաքաշինության և ճարտարապետության, hուշարձանների պահպանության ու արտակարգ իրավիճակների բաժիններ։
Նշենք, որ Մայակովսկի փողոցում է գտնվում Գյումրու շուկան։ Այս փողոցը գյումրեցիները «Լաչինի միջանցք» են կոչվում: Փողոցի 15 բնակելի տներ ու կից շինությունները ներառված են 2002 թ–ին ՀՀ կառավարության կողմից հաստատված Գյումրի քաղաքի պատմության և մշակույթի հուշարձանների ցանկում։
