ԵՐԵՎԱՆ, 1 նոյեմբերի - Sputnik. ՀՀ Առողջապահության նախարարությունը սկսում է քաղցկեղի նոր սքրինինգային ծրագիր (մարդկանց մոտ որոնում է չարորակ նորագոյացություններ): Այս մասին այսօր` նոյեմբերի 1-ին հայտնեց ՀՀ առողջապահության նախարար Արսեն Թորոսյանը ՝ ԱԺ-ում 2020թ-ի պետական բյուջեի նախագծի քննարկման ժամանակ:
Ներկայումս հանրապետությունում արդեն իսկ իրականացվում են կրծքի և արգանդի վզիկի քաղցկեղի հետազոտություն: Այժմ դրանց կավելանա կոլոռեկտալ քաղցկեղի (ուղիղ աղիքի) սքրինինգը` ինչպես կանանց, այնպես էլ տղամարդկանց (50-ից 75 տարեկան): Դրա համար կհատկացվի 11,2 միլիոն դրամ:
Վաճառվում է երիկամ. հայաստանցու քրեական բիզնեսը` արտերկրում. տեսանյութ
Ստուգումն իրականացվելու է փորձաշրջանային ռեժիմով` հանրապետության երկու կլինիկայում: Տարեց հիվանդները կախտորոշվեն այդ կլինիկաներում: Ստուգումը կիրականացվի ինչպես հետազոտությունների, այնպես էլ կոլոնոսկոպիայի միջոցով:
Ռոբերտ Քոչարյանի մոտ քաղցկեղ հայտնաբերվե՞լ է. հստակ պատասխան Սողոմոնյանից
Հիշեցնենք, որ այս տարի Հայաստանի իշխանությունը հայտարարել էր, որ պետությունը կստանձնի երեխաների մոտ քաղցկեղով ստացիոնար բուժման ծախսերի մի մասը: Երեխաների ուռուցքային հիվանդությունների բուժման համար պետպատվերի ֆինանսավորման համար հատկացվել է 50 միլիոն դրամ (100 հազար դոլար):
