ԵՐԵՎԱՆ, 29 հոկտեմբերի — Sputnik. Հայոց ցեղասպանության ճանաչումը կարող է կանխել այդ սարսափելի հանցագործության կրկնությունը։ Այդ մասին Twitter–ում գրել է ԱՄՆ Կոնգրեսի Ներկայացուցիչների պալատում մեծամասնության առաջնորդ, դեմոկրատ Սթենի Հոյերը։
I told press the House will vote today on a Turkey sanctions bill. Turkey’s actions in Northern Syria are of great concern to the US & our NATO allies. The House will also vote to recognize the Armenian genocide, an important action to help preclude genocide from occurring again.
— Steny Hoyer (@LeaderHoyer) October 29, 2019
«Ես ասել եմ մամուլին, որ Ներկայացուցիչների պալատն այսօր քվեարկում է Թուրքիայի դեմ պատժամիջոցների մասին օրինագծի շուրջ։ Թուրքիայի գործողությունները Սիրիայի հյուսիսային մասում առաջացնում են ԱՄՆ–ի և ՆԱՏՕ–ի մեր դաշնակիցների լուրջ մտահոգությունը։ Պալատը քվեարկություն կանցկացնի նաև Հայոց ցեղասպանությունը ճանաչելու բանաձևի վերաբերյալ, ինչը կարևոր քայլ է, որը կօգնի կանխել Ցեղասպանության կրկնությունը», – գրել է նա։
Armenian Genocide recognition could finally receive vote on House floor. Great background story by @SJVSun https://t.co/EUjHJJvr97
— Devin Nunes (@DevinNunes) October 28, 2019
Ավելի վաղ կոնգրեսական Դևին Նունյեսը կոչ է արել կոնգրեսի անդամներին և Թրամփի վարչակազմին ճանաչել Հայոց ցեղասպանությունը։
«Ես կոչ եմ անում Կոնգրեսի բոլոր անդամներին, ինչպես նաև Թրամփի վարչակազմին պաշտոնապես ճանաչել Հայոց ցեղասպանությունը` որպես 20–րդ դարի ամենադաժան հանցագործություններից մեկը», – գրել է նա Twitter–ում։
Քիմ Քարդաշյանն ուզում է Հայոց ցեղասպանության ճանաչումն իր առաքելությունը դարձնել
Նշենք, որ ԱՄՆ Կոնգրեսի Ներկայացուցիչների պալատում հոկտեմբերի 29-ին կայացած քվեարկության արդյունքում ձայների մեծամասնությամբ ընդունվել է Հայոց ցեղասպանությունը ճանաչող բանաձևը փակ ընթացակարգով օրակարգ մտցնելու հարցը։
