Երաժիշտը ներկայացրել է իր տեսակետը սկանդինավյան ջազի պատմության և ներկայիս զարգացումների մասին, խոսել իր ամենասիրելի երաժշտական ստեղծագործության մասին, ինչպես նաև ներկայացրել իր սիրելի գործը սեփական երգացանկից։
«Այն ինչը ջազում այսօր թվում է նորարարություն, որպես կանոն, պատմության մեջ արդեն եղել է։ Ապագայի երաժշտությունը հենց այդ երաժշտական տարրերի մեկտեղումն ու համադրումն է»,–ասաց Դենիելսոնը։
Լարս Դենիելսոնը Հայաստանում է «Երևանի Ջազի փառատոնի» շրջանակում։ Հոկտեմբերի 28–ին նա Հայաստանի սիմֆոնիկ նվագախմբի հետ համատեղ համերգ տվեց հայ հանդիսատեսի համար։
