ԵՐԵՎԱՆ, 25 հոկտեմբերի – Sputnik. Ոստիկանության Մուշի բաժինը հոկտեմբերի 24-ին, ժամը 19.30-ին, հիվանդանոցից հաղորդում է ստացել, որ կտրած-ծակած թափանցող վերքով և շոկային վիճակում բուժօգնության է տեղափոխվել 55-ամյա մի տղամարդ, որը, գիտակցության չգալով, մահացել է: Այս մասին հայտնում է ՀՀ ոստիկանության պաշտոնական կայքը։
Կատարվածի հանգամանքները պարզելու ուղղությամբ ձեռնարկված օպերատիվ-հետախուզական միջոցառումների արդյունքում, ժամը 19.50-ին, մարմնական վնասվածք պատճառելու կասկածանքով, Գյումրու ոստիկանները Գարեգին Նժդեհի փողոցից բաժին բերման են ենթարկել մշտական բնակության վայր չունեցող 40-ամյա մի կնոջ։
Sputnik Արմենիայի տեղեկություններով՝ կինը Շիրակի մարզի բնակիչ է։ Քաղաքում խոսում են, որ նրանք ինչ-որ տեղ միասին կերել- խմել են և չի բացառվում, որ կինը տղամարդուն դանակահարել է ոգելից խմիչքի ազդեցության տակ։
Պայթյուն Երևանի բազմաբնակարան շենքերից մեկում. 53-ամյա բնակիչը հոսպիտալացվել է
Կինը խոստովանական ցուցմունք է տվել, որ ժամը 19.00-ի սահմաններում` ոգելից խմիչքի ազդեցության տակ, վիճաբանության ժամանակ խոհանոցային դանակով հարվածել է տղամարդուն՝ պատճառելով վնասվածք:
Նա ներկայացվել է նախաքննական մարմին և ձերբակալվել: Նշանակվել է դատաբժշկական փորձաքննություն:
Հանգամանքները պարզվում են: Քննությունը շարունակվում է։
Ողբերգական դեպք Երևանում. հիվանդանոց տեղափոխված 21–ամյա աղջիկն արդեն մահացած էր
