ԵՐԵՎԱՆ, 21 հոկտեմբերի - Sputnik. Մադրիդում գործող միակ հայկական ռեստորանի տիրուհին համոզված է, որ իր խոհարարական դասընթացները կլինեն շարունակական, քանի որ աստիճանաբար ավելանում է այն իսպանացիների թիվը, որոնք ուզում են ոչ միայն հայկական ուտեստներ ճաշակել, այլ նաև պատրաստել:
Մադրիդի սրտում գտնվող միակ հայկական ռեստորանի տիրուհին` Զարուհի Պարունակյանն, այժմ իսպանացիների համար հայկական ուտեստների պատրաստման դասընթացներ է անցկացնում: Sputnik Արմենիայի հետ զրույցում ռեստորանի տիրուհին պատմեց այս ու այլ հետաքրքիր մանրամասներ։
![«Հոտնկայս ծափահարում էին». Մադրիդի հայկական ռեստորանի տիրուհին խոհարարական դասեր է տալիս «Հոտնկայս ծափահարում էին». Մադրիդի հայկական ռեստորանի տիրուհին խոհարարական դասեր է տալիս - Sputnik Արմենիա](https://cdn.am.sputniknews.ru/img/826/87/8268706_0:0:1000:750_600x0_80_0_0_055c44842e66616e4061506b97654aa6.jpg)
Պարզվում է` Մադրիդի ամենահին «Ալանբիկե» խոհարարական դպրոցի (ստեղծվել է 1978 թվականին) տնօրենը ոչ միայն դառնում է մեր հերոսուհու «Gayane’s» անունով հայկական ռեստորանի հաճախորդը, այլ նաև Զարուհուն առաջարկում է հայկական խոհանոցի գաղտնիքներով հետաքրքրվողների համար դասընթացներ անցկացնել:
![«Հոտնկայս ծափահարում էին». Մադրիդի հայկական ռեստորանի տիրուհին խոհարարական դասեր է տալիս «Հոտնկայս ծափահարում էին». Մադրիդի հայկական ռեստորանի տիրուհին խոհարարական դասեր է տալիս - Sputnik Արմենիա](https://cdn.am.sputniknews.ru/img/811/93/8119320_0:0:720:960_600x0_80_0_0_39e08aa9e893708dcea2515b09f6d0e2.jpg)
«Խոհարարական դպրոցի տնօրենն իմ ռեստորանի հաճախորդն է և շատ էր ցանկանում, որպեսզի իր դպրոցում դասընթացներ անցկացնեմ: Երեք ժամ տևած դասընթացին 15 իսպանացի մասնակցեց (դա աշակերտների առավելագույն թիվն է դասընթաց անցկացնելու համար): Պատրաստեցինք հայկական ավանդական տոլմա, չամիչով փլավ, լցոնած սմբուկով աղցան և անալի»,-ասաց Զարուհին։
![«Հոտնկայս ծափահարում էին». Մադրիդի հայկական ռեստորանի տիրուհին խոհարարական դասեր է տալիս «Հոտնկայս ծափահարում էին». Մադրիդի հայկական ռեստորանի տիրուհին խոհարարական դասեր է տալիս - Sputnik Արմենիա](https://cdn.am.sputniknews.ru/img/811/92/8119200_0:0:960:602_600x0_80_0_0_c9baa44c1689799a0a53206b33dddac3.jpg)
Ռեստորանի տիրուհին ժպիտով է պատմում, որ իսպանացիներն իր հետ հավասար խաղողի թփով հայկական տոլմա են փաթաթում:
![«Հոտնկայս ծափահարում էին». Մադրիդի հայկական ռեստորանի տիրուհին խոհարարական դասեր է տալիս «Հոտնկայս ծափահարում էին». Մադրիդի հայկական ռեստորանի տիրուհին խոհարարական դասեր է տալիս - Sputnik Արմենիա](https://cdn.am.sputniknews.ru/img/2082/65/20826531_0:0:1100:1467_600x0_80_0_0_47eafb14a7975a1e2f8cd003ed5bce35.jpg)
Նա հավաստիացրեց, որ թե՛ պատրաստման ընթացքից, թե՛ ուտեստների համտեսից իսպանացիները շատ գոհ էին: Դպրոցի տնօրինությունը ևս գոհ է մնացել և Զարուհուն երկրորդ անգամ է հրավիրել, որպեսզի ևս մեկ դասընթաց անցկացնի։ Զարուհին համոզված է`դասընթացները կլինեն շարունակական, քանի որ աստիճանաբար ավելանում է այն իսպանացիների թիվը, որոնք ուզում են ոչ միայն հայկական ուտեստներ ճաշակել, այլ նաև պատրաստել:
![«Հոտնկայս ծափահարում էին». Մադրիդի հայկական ռեստորանի տիրուհին խոհարարական դասեր է տալիս «Հոտնկայս ծափահարում էին». Մադրիդի հայկական ռեստորանի տիրուհին խոհարարական դասեր է տալիս - Sputnik Արմենիա](https://cdn.am.sputniknews.ru/img/811/89/8118953_0:0:720:960_600x0_80_0_0_2a43c070d582af5fc9c19c031ca1df5d.jpg)
«Դասընթացին մասնակցած իսպանացիները միայն դրական մեկնաբանություններ են գրել: Լինում են դեպքեր, որ այս կամ այն դասընթացը նրանց չի գոհացնում և նրանք տնօրինության տված թերթիկում բացասական կարծիքներ են գրում»,- նշեց մեր զրուցակիցը:
![«Հոտնկայս ծափահարում էին». Մադրիդի հայկական ռեստորանի տիրուհին խոհարարական դասեր է տալիս «Հոտնկայս ծափահարում էին». Մադրիդի հայկական ռեստորանի տիրուհին խոհարարական դասեր է տալիս - Sputnik Արմենիա](https://cdn.am.sputniknews.ru/img/2082/65/20826521_0:0:1600:1200_600x0_80_0_0_0de7f78cbda948fe4669e43f721be52b.jpg)
Զարուհին համոզված է, որ համեղ պատրաստելու միակ գաղտնիքը սիրով պատրաստելն է: Նա ամեն օր համոզվում է դրանում, որովհետև ռեստորանի գոհ հաճախորդներն հեռանալիս իրեն ծափահարում են:
![«Հոտնկայս ծափահարում էին». Մադրիդի հայկական ռեստորանի տիրուհին խոհարարական դասեր է տալիս «Հոտնկայս ծափահարում էին». Մադրիդի հայկական ռեստորանի տիրուհին խոհարարական դասեր է տալիս - Sputnik Արմենիա](https://cdn.am.sputniknews.ru/img/811/94/8119442_0:0:960:844_600x0_80_0_0_4e30b7f0ee361daca48df77f4859e478.jpg)
«Պատրաստում եմ սիրով ու մայրիկիս բաղադրատոմսերով: Վերջերս անգլիացի, ֆրանսիացի և իսպանացի հաճախորդներս բղավում էին` Զառա ու խնդրում, որ դուրս գամ խոհանոցից. հոտնկայս ծափահարում էին»,- ծիծաղով պատմում է նա:
Ունեցած հաջողություններից ոգևորված` Զարուհին մտադիր է նաև հայկական խոհանոցը ներկայացնող արագ սննդի կետ բացել:
Զարուհու «Gayane’s» հայկական ռեստորանը գործում է շուրջ 5 տարի: Ամեն ինչ սկսվեց այն ժամանակ, երբ Գայանեն իր բուլղարացի ամուսնու՝ Անտոն Ռեյչևի հետ որոշեցին լահմաջո պատրաստել ու առաքել: Տեսնելով, որ իսպանացիները հավանում են ուտեստը` նրանք որոշեցին հայկական ռեստորան բացել: Ասում են` իսպանացիները շատ քիչ բան գիտեն հայերի մասին, անգամ հարցնում են` հայերը քրիստոնյա են, թե մուսուլման:
![«Հոտնկայս ծափահարում էին». Մադրիդի հայկական ռեստորանի տիրուհին խոհարարական դասեր է տալիս «Հոտնկայս ծափահարում էին». Մադրիդի հայկական ռեստորանի տիրուհին խոհարարական դասեր է տալիս - Sputnik Արմենիա](https://cdn.am.sputniknews.ru/img/2082/65/20826515_0:0:1600:1232_600x0_80_0_0_1e3e3723dd574ba64aa21fc7bc873b5a.jpg)
Մեր հերոսուհու ամուսինը Հայաստանի քաղաքացիություն ունի, սովորում է հայերեն և ուսումնասիրում հայոց պատմությունը: Նա ռեստորան այցելող տեղացիներին ու զբոսաշրջիկներին պատմում է հայերի անցած ճանապարհի, հայոց պատմության ուշագրավ դրվագների և Հայոց ցեղասպանության մասին։
Հիշեցնենք, որ հենց այս ռեստորանում են պատրաստվել այն 300 լավաշը, որն օգտագործել են Հայոց ցեղասպանության մասին պատմող «Խոստումը» ֆիլմի նկարահանումների համար։