ԵՐԵՎԱՆ, 20 հոկտեմբերի — Sputnik. Հենց նոր Երևանի կենտրոնական փողոցներից մեկում 9-10 տարեկան երեխայի տեսա, ով մոտենում էր մեքենաներին և, ըստ ամենայնի, գումար խնդրում: Facebook-ի իր էջում գրել է ՀՀ աշխատանքի և սոցիալական հարցերի նախարար Զարուհի Բաթոյանը։
«Գիշերվա այս ժամին անչափահաս երեխային, ամենայն հավանականությամբ, թրաֆիքինգի են ենթարկում»,– գրում է նախարարը։
Բաթոյանը հայտնում է, որ զանգահարել է ոստիկանություն և կոչ է արել իրավապահ մարմիններին հնարավորինս զգոն լինել այդ երևույթի նկատմամբ:
«Ոչ ոք, այդ թվում` ծնողները, իրավունք չունեն շահագործելու երեխաներին»,– հիշեցնում է նախարարը` քաղաքացիներին ևս կոչ անելով նման դեպքեր նկատելիս անհապաղ դիմել ոստիկանություն:
Զարուհի Բաթոյանի գրառումը բուռն քննարկման է արժանացել սոցիալական կայքում։ Օգտատերերից ոմանք ևս հայտնել են, որ մուրացիկ երեխաների են նկատել տարբեր վայրերում։
Գիշերօթիկո՞ւմ, թե՞ պայմաններից զուրկ տանը. որտե՞ղ է երեխան ավելի ապահով
«Նորատուսի գերեզմանատանը գյուղացի 2 երեխա ՝ 9-10 տարեկան, զբոսաշրջիկներին հետապնդում ու գումար են հավաքում։ Կարծում եմ՝ ծնողների գիտությամբ և թույլտվությամբ»,– գրում է օգտատերերից մեկը։
Մեկ այլ օգտատեր էլ մտավախություն է հայտնում, որ մանկատները փակելուց հետո նման դեպքերն ավելի են շատանալու։
Մանկատան տղային գտել են. ինչո՞ւ էր Հովհաննեսը Գավառից հասել Երևան
