ԵՐԵՎԱՆ, 19 հոկտեմբերի-Sputnik. Հայաստանյան փառատոների թիվն ավելացավ ևս մեկով: Շիրակի մարզի Առափի համայնքում այսօր` հոկտեմբերի 19-ին, առաջին անգամ անցկացվեց Ղափամայի փառատոն:
![Ղափամայի փառատոն` Առափիում. Շիրակի մարզում նոր ավանդույթի հիմք դրվեց Ղափամայի փառատոն` Առափիում. Շիրակի մարզում նոր ավանդույթի հիմք դրվեց - Sputnik Արմենիա](https://cdn.am.sputniknews.ru/img/2081/56/20815624_0:0:2048:1365_600x0_80_0_0_a5d2a84750c7f2138a34c3777e5055ec.jpg)
«Անշուշտ, սա նոր հարթակ է գյուղացու համար իր բերքն ու բարիքը վաճառելու: Նմանատիպ նախաձեռնության կարիքը վաղուց էր զգացվում, ինչի մասին վկայում է այսօրվա փառատոնի բազմամարդ լինելը»,-նշեց փառատոնի կազմակերպիչներից` Սուսաննա Ստեփանյանը:
Բարի ավանդույթ. Թբիլիսիում տոլմայի փառատոն է անցկացվել. լուսանկարներ
![Ղափամայի փառատոն` Առափիում. Շիրակի մարզում նոր ավանդույթի հիմք դրվեց Ղափամայի փառատոն` Առափիում. Շիրակի մարզում նոր ավանդույթի հիմք դրվեց - Sputnik Արմենիա](https://cdn.am.sputniknews.ru/img/2081/56/20815619_0:0:2048:1365_600x0_80_0_0_be728b64cd77d302070c034dcb2cf539.jpg)
Փառատոնը նպատակ ունի ակտիվացնել գյուղական կյանքն ու ճանաչելի դարձնել հայկական ավանդական խոհանոցի գաղտնիքները, դրանից բացի, զբոսաշրջության զարգացման միջոցով նպաստել համայնքում կենսամակարդակի բարձրացմանը:
![Ղափամայի փառատոն` Առափիում. Շիրակի մարզում նոր ավանդույթի հիմք դրվեց Ղափամայի փառատոն` Առափիում. Շիրակի մարզում նոր ավանդույթի հիմք դրվեց - Sputnik Արմենիա](https://cdn.am.sputniknews.ru/img/2081/54/20815409_0:0:2048:1365_600x0_80_0_0_7e52caa69939353603d016393264556b.jpg)
«Նորամուծություններ ենք արել՝ նոր փաթեթավորմամբ, նոր մատուցմամբ, որ գյուղական շուկան նոր մատուցմամբ գնա քաղաքի բնակչին: Ապրանքն էկոլոգիապես մաքուր է, բայց արդեն նաև հաճելի փաթեթավորում ունի»,-նշում է Հայկավանի բնակիչ Վալերիա Մելքոնյանը:
Ինչ անակնկալներ է խոստանում Ախթալայում սպասվող Խորովածի փառատոնը
![Ղափամայի փառատոն` Առափիում. Շիրակի մարզում նոր ավանդույթի հիմք դրվեց Ղափամայի փառատոն` Առափիում. Շիրակի մարզում նոր ավանդույթի հիմք դրվեց - Sputnik Արմենիա](https://cdn.am.sputniknews.ru/img/2081/55/20815519_0:0:2048:1365_600x0_80_0_0_23235074e5ef390d70a606f62dd10bf2.jpg)
Ղափամայի փառատոնն ուղեկցվեց հայկական ավանդական ուտեստների ու ղափամայի հյուրասիրությամբ, ազգային երգ ու պարով ու ազգային խաղերով։ Կազմակերպվել էր գյուղական կենցաղի մասին պատմող ինտերակտիվ ներկայացում։
![Ղափամայի փառատոն` Առափիում. Շիրակի մարզում նոր ավանդույթի հիմք դրվեց Ղափամայի փառատոն` Առափիում. Շիրակի մարզում նոր ավանդույթի հիմք դրվեց - Sputnik Արմենիա](https://cdn.am.sputniknews.ru/img/2081/53/20815303_0:0:2048:1365_600x0_80_0_0_e9781631d2656d48c5f501b1442096d9.jpg)
Թեև փառատոնն առաջին անգամ էր անցկացվում, բայց կազմակերպիչներն ամեն ինչ հաշվի էին առել. փառատոնի հյուրերին տեղացիները նախ հյուրասիրում էին, հետո առաջարկում մատչելի գնով ձեռք բերել իրենց արտադրանքից:
![Ղափամայի փառատոն` Առափիում. Շիրակի մարզում նոր ավանդույթի հիմք դրվեց Ղափամայի փառատոն` Առափիում. Շիրակի մարզում նոր ավանդույթի հիմք դրվեց - Sputnik Արմենիա](https://cdn.am.sputniknews.ru/img/2081/54/20815403_0:0:2048:1365_600x0_80_0_0_e63e96a454465e966301e278aeccf26e.jpg)
Ղափամա հյուրասիրեցին նաև ՀՀ ԿԳՄՍ նախարարի տեղակալ Գևորգ Լոռեցյանին: Երիտասարդ փոխնախարարն օգտվեց հյուրասիրությունից ու շատ հավանեց. «Համեղ է»,–ասաց նա:
«Ուտելիքի համաշխարհային ատլասում» հայկական ամենահայտնի ճաշատեսակը խորովածն է
![Ղափամայի փառատոն` Առափիում. Շիրակի մարզում նոր ավանդույթի հիմք դրվեց Ղափամայի փառատոն` Առափիում. Շիրակի մարզում նոր ավանդույթի հիմք դրվեց - Sputnik Արմենիա](https://cdn.am.sputniknews.ru/img/2081/55/20815576_0:0:2048:1365_600x0_80_0_0_7149fcd0b697793558ef38784382b9e2.jpg)
Ղափամայի փառատոնը կազմակերպվել էր Առափիում, սակայն գաղափարը համախմբել էր նաև հարևան Ոսկեհասկ, Հայկավան, Ախուրիկ համայնքների բնակիչներին:
![Ղափամայի փառատոն` Առափիում. Շիրակի մարզում նոր ավանդույթի հիմք դրվեց Ղափամայի փառատոն` Առափիում. Շիրակի մարզում նոր ավանդույթի հիմք դրվեց - Sputnik Արմենիա](https://cdn.am.sputniknews.ru/img/2081/54/20815441_0:0:2048:1365_600x0_80_0_0_0be0aee4223fe3afa43922afa2a23857.jpg)
Կազմակերպիչները նպատակ ունեն ավանդական դարձնել Ղափամայի փառատոնը։