ԵՐԵՎԱՆ, 16 հոկտեմբերի – Sputnik. ՀՀ վարչապետ Նիկոլ Փաշինյանը ցավակցել է այսօր զոհված ոստիկան Տիգրան Առաքելյանի հարազատներին, ընկերներին, մտերիմներին: Նա այս մասին գրել է Facebook–ի իր էջում։
«Հայաստանում ոստիկանների պաշտպանվածությունը պետք է բարձրանա այնպես, որ դա ոչ միայն ու ոչ այնքան ոստիկանների, որքան քաղաքացիների պաշտպանվածության մակարդակը բարձրացնի: Տիգրան Առաքելյանը կարժանանա պետական պարգեւի՝ անձնուրաց ծառայության համար, իսկ հանցագործները կստանան իրենց արժանի պատիժը»,– գրել է նա։
Հոկտեմբերի լույս 16-ի գիշերը, ժամը 04: 00-ի սահմանում Երևանի Ազատության պողոտայում սպանել են ոստիկան Տիգրան Առաքելյանին (38 տարեկան), երբ նա գործընկերոջ հետ փորձել է բերման ենթարկել կասկածելի քաղաքացիներին: Նրա գործընկերոջը` Ա.Հակոբյանին (25 տարեկան), ծեծել են։ Այժմ նա բուժկենտրոնում է։ Պարզվել է, որ հանցագործությունը կատարողները եղբայրներ են՝ ծնված 2003 և 2001 թթ.: Նրանք ձերբակալվել են:
Ոստիկաններից մեկին սպանել, իսկ մյուսի գլխին էլ հարվածել է 16 տարեկան եղբայրը։ Նախաքննության ընթացքում պարզվել է` ոստիկանները նկատել են, որ տղաները գողություն են արել, հետապնդել են նրանց և Ազատության պողոտայում բռնել։ Եղբայրները փորձել են դիմել փախուստի, որի ժամանակ նրանցից մեկը հափշտակել է ոստիկաններից մեկին ամրակցված զենքը, հարվածել Ա. Հակոբյանի գլխին և կրակել Տ.Առաքելյանի ձախ բազկին։
Ոստիկանի սպանության գործով Քննչական կոմիտեում քրգործ է հարուցվել 3 հոդվածով
