ԵՐԵՎԱՆ, 16 հոկտեմբերի – Sputnik. «ՀՀ պաշտպանության նախկին նախարար Վիգեն Սարգսյանին որպես մեղադրյալ ներգրավելու մասով քրեական գործը, «շրջում է» քննչականներում՝ Քննչական կոմիտեից ՀՔԾ ու հակառակ «երթուղով», գրում է «Ժողովուրդ» օրաթերթը:
Վիգեն Սարգսյանը ներգրավվել է որպես մեղադրյալ
Սեպտեմբերի 25-ին ՀՀ քննչական կոմիտեն հայտնեց պաշտպանության նախկին նախարար Վիգեն Սարգսյանին պաշտոնեական լիազորություններն անցնելու համար որպես մեղադրյալ ներգրավելու մասին, բայց գործն ուղարկեց ՀՔԾ:
«Ժողովուրդ» օրաթերթը տեղեկացրել էր, որ ՀՔԾ-ից էլ քրգործը հոկտեմբերի 4-ին ուղարկվել է դատախազություն՝ հսկողություն իրականացնող դատախազի պահանջով:
«Քննչական մարմինները ձեռնարկում են քաղաքական նպատակներ հետապնդող քայլեր». Վիգեն Սարգսյան
Եվ ըստ դատախազության` գործը, քննչական և դատավարական գործողություններ կատարելու անհրաժեշտությամբ պայմանավորված, ուղարկվել է ՀՀ քննչական կոմիտե, այսինքն` դարձյալ ելման կետ:
Օրաթերթը պարզել է` այս շրջապտույտի հիմնական պատճառն այն է, որ ՀՔԾ-ն, դատախազությունից ստանալով սույն քրգործը, հայտնել է, թե թույլ ապացույցներով գործ է, ու ամենևին չեն պատրաստվում այն քննել»։
Հոդվածն ամբողջությամբ՝ թերթի այսօրվա համարում:
