ԵՐԵՎԱՆ, 16 հոկտեմբերի — Sputnik. Ռուսաստանի օդային տրանսպորտի դաշնային գործակալությունը (Ռոսավիացիա) «Սիբիր» ընկերությանը Մոսկվայից Քութայիսի չվերթեր իրականացնելու թույլտվություն է տրամադրել։ Այս մասին նշված է Ռոսավիացիայի կայքում հրապարակված հրամանում։
Ռոսավիացիան այդ հրամանում ներկայացրել է այն փոխադրողների ցանկը, որոնք ուղևորների և բեռների միջազգային կանոնավոր օդային փոխադրումներ անելու արտոնագիր ունեն։ Չորս ամսվա մեջ առաջին անգամ Վրաստանն այդ ցանկում է հայտնվել։
Հիշեցնենք` Ռուսաստանը Վրաստանի հետ ավիահաղորդակցությունը դադարեցրել էր 2019 թվականի հուլիսի 8–ին։ Վրաստանի զբոսաշրջության ազգային վարչության վիճակագրության համաձայն` Վրաստանն այդ պատճառով այս ամառվա ընթացքում 113 միլիոն դոլար է կորցրել։
ՌԴ–ի և Վրաստանի հարաբերությունների կարգավորումը շատ կարևոր է Հայաստանի համար. նախարար
Հունիսի 20-ին ընդդիմադիրները բողոքի ցույց էին կազմակերպել Թբիլիսում այն բանից հետո, երբ նույն օրն առավոտյան Վրաստանի խորհրդարանի խոսնակի աթոռին նստել էր ՌԴ պետդումայի պատգամավոր, Կոմկուսի անդամ Սերգեյ Գավրիլովը։ Նա Թբիլիսի էր մեկնել Ուղղափառության միջխորհրդարանական վեհաժողովի 26–րդ նստաշրջանին մասնակցելու համար, բայց միջոցառումը տապալվել էր։ Ընդդիմությունը Վրաստանի իշխանությանը մեղադրել էր «հայրենիքը դավաճանելու» մեջ։ Ընդդիմության ցույցն անկարգությունների էր վերածվել: Վերջին տվյալներով՝ մոտ 240 մարդ տուժել է, 300-ից ավելի մարդ՝ բերման ենթարկվել:
Մելիքյան. «Աբխազական երկաթուղին դեռ չի բացվի. Վրաստանում ներքին կոնսենսուս ունեն»
Ի պատասխան Թբիլիսիում տեղի ունեցող իրադարձությունների` հունիսի 21-ին ՌԴ նախագահ Վլադիմիր Պուտինը հրաման էր ստորագրել` հուլիսի 8-ից Վրաստանի հետ ավիահաղորդակցությունն արգելելու մասին։
Փաշինյանը մեսիջ է հղել, հերթը Գախարիայինն է․ ի՞նչ սպասել Վրաստանի վարչապետի այցից
