Հայ-վրացական հարաբերություններում կան տարբեր ուղղություններ, որոնցում երկու երկրների շահերը համընկնում են և այդ ոլորտներում Հայաստանն ու Վրաստանը կարող են օգտակար լինել միմյանց: Այս մասին Sputnik Արմենիայի հետ զրույցում ասաց Վրաստանի հարցերով փորձագետ Ջոնի Մելիքյանը։
Փորձագետի խոսքով` Գախարիան տարբեր պաշտոններում Հայաստան այցելել է, սակայն նոր պաշտոնում նրա այցը երկու վարչապետներին թույլ կտա շփվել ու կապերն էլ ավելի ամրապնդել։
«Իմ ակնկալիքն այն է, որպեսզի ինտենսիվորեն շարունակվի երկխոսությունը, լինեն տարբեր փոխայցելություններ և վարչապետների ջերմ հարաբերությունները նպաստեն երկկողմ հարաբերությունների շարունակական զարգացմանը»,- նշեց Մելիքյանը:
Ըստ նրա`Գախարիան այն մարդն է, որը, չնայած, իմիջային լուրջ հարվածին, մնաց իր պաշտոնում և իշխող կուսակցության համար որոշակի անվտանգություն ապահովեց` երկրում ներքին կայունություն պահպանելով։
Վրաստանի վարչապետը ժամանեց Երևան. նրան դիմավորեց Փաշինյանը. տեսանյութ
«Նրա դերը կարևորվում է նաև 2020 թվականին կայանալիք խորհրդարանական ընտրություններից առաջ, որպեսզի երրորդ անգամ ապահովի «Վրացական երազանքի» հաղթանակը համապետական ընտրություններում»,- ասաց Մելիքյանը:
«Սպասում ենք Թբիլիսիի պարզաբանմանը». ԱԳՆ–ն` հայ լրագրողներին Վրաստան չթողնելու մասին
Հիշեցնենք, որ Գեորգի Գախարիան մինչ վարչապետ դառնալը երկու անգամ այցելել է Երևան. 2017թ.–ի հունիսին` Վրաստանի էկոնոմիկայի նախարարի և 2018թ–ի փետրվարին` ՆԳՆ ղեկավարի պաշտոններում։
