Սիրիայի հյուսիսային հատվածում բնակվող հայրերին նույնպես վտանգ է սպառնում։ Այս մասին Sputnik Արմենիայի հետ զրույցում ասաց արաբագետ Սարգիս Գրիգորյանը։
«Կամիշլիում մոտավորապես 1000 հայ է ապրում, արդեն հավանաբար ավելի քիչ, քանի որ բախումների հետևանքով հայերը որոշել են դուրս գալ դեպի Հասաքե, որը ռազմական գործողությունների գոտուց հեռու է, բայց ամեն դեպքում այնտեղ ռմբահարումներ են և այդ առումով հայերին որոշակի վտանգ է սպառնում»,–նշեց նա։
Ըստ Գրիգորյանի` մի կարևոր հանգամանք չի նշվում․ Կամիշլիում ու Հասաքեում տեղակայված է սիրիական բանակը։ Այդ մասին քիչ է խոսվում, բայց այստեղ կան սիրիական բանակի ստորաբաժանումներ և Կամիշլիի կենտրոնը ու որոշակի թաղամասեր գտնվում են Սիրիայի ներկա իշխանության վերահսկողության տակ, մնացած բնակավայրերը քրդաբանակ են և ռմբահարումները հենց այդ տարածքներում են։
Արաբագետը կարծում է, որ առանց գերտերությունների հետ որոշակի պայմանավորվածության հնարավոր չէր լինի ռազմական գործողություններ սկսել Սիրիայում։
«Դա հրաշք է». քրդերը հայերի և չեչենների հետ փրկվել են թուրքամետ զինյալների ձեռքից
«Կարծում եմ` որոշակի համաձայնություն և գերտերությունների թույլտվություն, իհարկե, կա։ Նաև արձագանքն այդքան էլ կոշտ չէ։ Դա նշանակում է, որ Թուրքիան որոշակի թույլտվություն է ստացել ևս մեկ անգամ դիմել ռազմական գործողությունների»,–ասաց արաբագետը։
Սիրիացի զինվորականները հանդիպել են ամերիկյան բանակի նահանջող զինվորներին. տեսանյութ
Գրիգորյանի խոսքով` կարելի է ենթադրել, որ պայմանավորվածություն է եղել Սիրիայի տարածք ներխուժել որոշակի խորությամբ, Թուրքիան էլ որոշել է առարկայական դարձնել իր ներկայությունը ռազմական ինտերվենցիաների տեսքով։
