ԵՐԵՎԱՆ, 15 հոկտեմբերի – Sputnik. «Դեպի Հայաստանի նոր անդրկովկասյան արահետ արշավ իրականացնելը հիանալի միջոց է հայկական մշակույթի մեջ ընկղմվելու»,–հենց այսպես է կին ճանապարհորդ Բրիաննա Ուլսոնը վերնագրել իր հոդվածը։
«Ամեն օր չէ, որ Time–ը (ամերիկյան ամսագիր,–խմբ.) արշավային արահետը ներառում է «Աշխարհի 100 ամենագեղեցիկ վայրերի» հեղինակավոր ցանկում։ Ըստ էության, սա առաջին անգամ է։ Եվ սա դեռ սկիզբն է այն փառքի, որը կունենա այս երթուղին...»,–գրում է հոդվածի հեղինակը։
«Անդրկովկասյան արահետի» երկարությունն ավելի քան 1800 մղոն է։ Այն միացնում է Հայաստանի, Վաստանի, ինչպես նաև Ադրբեջանի որոշ ամենագեղեցիկ շրջանները։
Զբոսաշրջությունը շարունակում է զարգանալ. Փաշինյանը դիմել է տաքսիստներին ու անցորդներին
![Forbes–ը պատմել է Հայաստանի և հայերի հյուրընկալության մասին Forbes–ը պատմել է Հայաստանի և հայերի հյուրընկալության մասին - Sputnik Արմենիա](https://cdn.am.sputniknews.ru/img/1964/20/19642061_0:0:1600:1067_600x0_80_0_0_3cfa7e7f676731178f4448f684a60696.jpg)
«Ու թեև սրանք ամենաանհավանական լանդշաֆտներն են, որոնք ձեզ հաջողվել է տեսնել կյանքում, միայն նրանք չեն, որ արահետն այդքան յուրահատուկ են դարձնում։ Այս արշավի բացառիկությունը տեղացիների հյուրընկալությունն է»,–նշում է Բրիաննան։
![Forbes–ը պատմել է Հայաստանի և հայերի հյուրընկալության մասին Forbes–ը պատմել է Հայաստանի և հայերի հյուրընկալության մասին - Sputnik Արմենիա](https://cdn.am.sputniknews.ru/img/1964/22/19642249_0:0:1024:683_600x0_80_0_0_a0fe7b0e30228edb3a2968c502491308.jpg)
Նրա ուղևորությունը սկսվել է Երևանից, այնուհետև` Սևանա լճից։ Դրանից հետո արահետն անցել է Կալավանի, Խաչարձանի, Գոշի, Դիլիջանի ազգային պարկի, Հաղարծինի գեղատեսիլ վայրերով, իսկ այնտեղից` դեպի Հաղպատի և Սանահինի վանքեր։
«Յուրաքանչյուր անկյուն բացարձակ անկրկնելի մի բան է առաջարկում»,–գրում է նա։
Աղջիկը հիացմունքով պատմում է ինչպես Գոշում գտնվող խանութ–հյուրանոցի մասին, այնպես էլ Խաչարձանի և Դիլիջանի հյուրատների` նշելով տերերի հյուրընկալության մասին։
![Forbes–ը պատմել է Հայաստանի և հայերի հյուրընկալության մասին Forbes–ը պատմել է Հայաստանի և հայերի հյուրընկալության մասին - Sputnik Արմենիա](https://cdn.am.sputniknews.ru/img/1243/46/12434681_0:0:1471:1103_600x0_80_0_0_33ce49428cf029bf13377f716366609e.jpg)
Ինչ վերաբերում է սննդին, ապա ճանապարհորդուհին նշում է, որ հայկական խոհանոցն աշխարհում լավագույներից մեկն է։
![Forbes–ը պատմել է Հայաստանի և հայերի հյուրընկալության մասին Forbes–ը պատմել է Հայաստանի և հայերի հյուրընկալության մասին - Sputnik Արմենիա](https://cdn.am.sputniknews.ru/img/932/80/9328017_0:0:2052:2048_600x0_80_0_0_3c9c15a0705fad66029130f5e8630c76.jpg)
«Ամեն սեղանին անպայման պետք է թարմ կանաչիով ափսե լինի դրված, կողքին` թարմ լավաշ, տնական պանիր և թթու... Իսկ ճաշկերույթը պարտադիր ավարտվում է տնական փախլավայով», – պատմում է հոդվածի հեղինակը։
Վերջում Բրիաննան պատմում է, թե ինչ պետք է հագնել այս գեղատեսիլ երթուղով ճանապարհորդելիս։
Քանի զբոսաշրջիկ է Հայաստան այցելել 2019-ի առաջին կիսամյակում