ԵՐԵՎԱՆ, 14 հոկտեմբերի — Sputnik. ԵԱՀԿ Մինսկի խմբի համանախագահները 2 օրից կմեկնեն Ստեփանակերտ։ Այսօր կայացած ճեպազրույցի ժամանակ այս մասին ասաց ՀՀ ԱԳՆ մամուլի խոսնակ Աննա Նաղդալյանը։
«Այսօր և վաղը տարածաշրջանային այցով Հայաստանում կլինեն ԵԱՀԿ ՄԽ համանախագահները։ Հայաստանից հետո նրանք ամսի 16-ին կմեկնեն Արցախ», – ասաց նա։
Ղարաբաղյան հակամարտությունը դեռևս անվտանգության սպառնալիքի աղբյուր է. ՀԱՊԿ գեներալ
Հիշեցնենք, որ Նյու Յորքում կայացած ՄԱԿ–ի ԳՎ շրջանակում ԵԱՀԿ ՄԽ համանախագահները (Իգոր Պոպովը Ռուսաստանից, Ստեֆան Վիսկոնտին Ֆրանսիայից և Էնդրյու Շոֆերը ԱՄՆ–ից) հանդիպել են ինչպես համատեղ, այնպես էլ առանձին ձևաչափով ՀՀ և Ադրբեջանի ԱԳՆ ղեկավարներ Զոհրաբ Մնացականյանի և Էլմար Մամեդյարովի հետ։
Մնացականյանը ղարաբաղյան հիմնախնդրի վերջին զարգացումներն է ներկայացրել արտգործնախարարներին
Սեպտեմբերի 26-ին նրանք հայտարարել էին, որ տարածաշրջան են այցելելու։
