ԵՐԵՎԱՆ, 13սեպտեմբերի— Sputnik. Հունահռոմեական ոճի ըմբշամարտի օլիմպիական փոխչեմպիոն Միհրան Հարությունյանը Instagram–ի իր էջում նոր լուսանկար է հրապարակել և հետևորդներին տեղեկացրել MMA -ի մրցաշարում իր չորրորդ մենամարտի օրը։
Посмотреть эту публикацию в Instagram
Հոկտեմբերի 20-ին Միհրանը Սոչիում իր 4-րդ մենամարտը կանցկացնի: Մրցակիցը ղազախ Ժասուլան Ակիմժանն է: Մարզիկները հանդես կգան GFC 19 մրցաշարում: Նրանք կմենամարտեն կիսաթեթև քաշային կարգում՝ 66 կգ:
Посмотреть эту публикацию в Instagram
Նշենք, որ Միհրան Հարությունյանը MMA-ի մրցաշարի իր երրորդ մենամարտում 3-0 հաշվով հաղթեց Մուրատխան Սայիտխանովին։
«Մյուս մենամարտը կլինի հոկտեմբերին: Շնորհակալ եմ բոլորին, շարժվում ենք առաջ: Հ.Գ. Իմ համեստ հաղթանակը նվիրում եմ եղբորս՝ Արմանին, որը վերջերս մահացավ: Այսօր նաև իմ լավ ընկերոջ rulles_k_g_v ծննդյան օրն է»,- հրապարակված տեսանյութին կից գրել էր Հարությունյանը:
Посмотреть эту публикацию в Instagram
Հիշեցնենք` հայ մարզիկն ավելի վաղ հայտարարել էր, որ վերադառնում է ըմբշամարտ և մտադիր է 2020 թվականին մասնակցել Տոկիոյում կայանալիք օլիմպիական խաղերին:
Ըմբիշի խոսքով` ինքը մտադիր է վերցնել այն, ինչը պատկանում է իրեն` ակնարկելով, որ ուզում է տիրանալ օլիմպիական խաղերի ոսկե մեդալին:
